Detenshon relashoná ku un kaso di estafa.

KOMUNIKADO DI PRENSA
267 / 2019
9 yüli 2019
Detenshon relashoná ku un kaso di estafa.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djamars 9 di yüli 2019, alrededor di 11.55’or di mèrdia, polis a detené e hòmber
sospechoso M.N.I. nasé na Kòrsou, di 34 aña di edat, relashoná ku un kaso di estafa ku a
tuma lugá den aña 2018. E sospechoso aki tabata laga su klientenan depositá sumanan di
plaka riba su kuenta di banko pa asina e por kumpra outo na Merka pa nan. E sospechoso
tabata estafá su klientenan i keda sin entregá nan e outo deseá. Detenshon di e sospechoso
a tuma lugá den área di Santa Catharina.
A presentá e sospechoso dilanti di un Fiskal Ouksiliar ku a ordená su enkarselamentu
pendiente di mas investigashon.