Ki dia ta atendé na serio ku doñonan di Marriott Hotel

Na Minister di Tráfiko, Transporte i

Planifikashon Urbano

Señora Zita Jesus-Leito

PRESENTE

 

Willemstad, 8 di yüli 2019

Tópiko: Ki dia ta atendé na serio ku doñonan di Marriott Hotel, pa no sera e 

   Beach pa pueblo di Kòrsou?

 

Honorabel  Señora Minister Jesus-Leito,                                                                                                                 

 

Frakshon di MFK a tuma nota un biaha mas awe, ku doñonan di Marriott Hotel ke sera e Beach na Parasasa pa pueblo di Kòrsou. Ya esaki ta di dos biaha den apénas algun luna nan ta hasi e intento pa sera parti di e Beach (Parasasa) aki, pa evitá i privá pueblo di Kòrsou di por kana liber i disfrutá di lokual ku Dios a bendishoná Kòrsou kuné. Ku e akto aki di doñonan di Marriott nos no ta mira ku Gobièrnu ta  aktuando ku man fuerte kontra di e aktonan sin eskrupulo aki di parti di di Marriott Hotel.

 

Invershonistanan semper ta bonbiní na Kòrsou. Nos ta konsiente ku nan ta sòru pa kuponan di trabou pa nos hendenan. Pero esaki no ta duna nan e derecho di privá nos pueblo di disfrutá di nos naturalesa.

 

Den e “Erfpachtsbesluit” di Marriott Hotel, fecha 20 di sèptèmber 2016 (POVO nr. 2016/28483),  artíkulo 3 insiso R, Gobièrnu a pone bon kla ku e Beach mester ta liber i aksesibel pa pueblo i no por pone ningun opstákulo entre e Beach nan ku ta banda di otro.

 

Mi ta sita;

 

“De Erfpachter zal toestaan, dat ook anderen dan gasten verbijvende in het aan de erfpachter toebehorende hotel, zonder vergoeding gebruik kunnen maken van het strand waarop het erfpacht betrekking heeft. Het strand, diend vrij, openbaar toegankelijk te zijn. Het is de erfpachter niet toegestaan het strand door middel van een afrastering of anderszins af te scheiden van aangrenzende stranden. Conform dit artikel wordt in ieder geval met “strand” bedoeld het gebied zoals aangeduid op de gewaarmerkte tekening van Domeinbeheer d.d. 20 september 2016;”

 

Frakshon di MFK kier trese tambe na bo konosementu ku leinan di pais Kòrsou, no por ser violá ni pa un siudadano, pero tampoko dor di un Minister. “Burgelijke Wetboek” 5, artíkulo 20 i artíkulo 26 ta papia palabra kla. Por mishi ku un Beach solamente pa medio di un “Landsverordening”. Pues mester traha un lei i bin Parlamento ku esaki. Pa Parlamento debatí i tuma un desishon riba e lei aki. Pa Parlamento vota ku Ta Duna outorisashon òf si NO ta duna e outorisashon pa konstruí i òf sera parti di nos Beach nan.

 

Titel 3 Eigendom van onroerende zaken

 

Artikel 20

 

De eigendom van de grond omvat, voor zover de wet niet anders bepaalt:

 

  1. de bovengrond;
  2. de daaronder zich bevindende aardlagen;
  3. het water dat zich op de grond bevindt en niet in open gemeenschap met water
  4. op eens anders erf staat;
  5. gebouwen en werken die duurzaam met de grond zijn verenigd, hetzij  

rechtstreeks, hetzij door vereniging met andere gebouwen en werken, voor 

zover ze geen bestanddeel zijn van eens anders onroerende zaak;

  1. met de grond verenigde beplantingen.

 

Artikel 26

 

  1. De stranden der zee, de grond onder de binnenwateren, alsmede de grote en kleine eilanden en platen die in die wateren voorkomen, worden vermoed eigendom te zijn van het eilandgebied waar zij zijn gelegen.
  2. Beperking van de openbaarheid van aan het Land of een eilandgebied 

toegehorende stranden door vervreemding, bezwaring, ingebruikgeving of  

anderszins, behoeft een bij landsverordening onderscheidenlijk  

eilandsverordening te verlenen bijzondere toestemming.

 

For di esaki por konkluí ku doñonan di Marriot Hotel ta violando  tantu e “Erfpacht Besluit” fecha 20 di sèptèmber 2016 i tambe “Burgelijke Wetboek” artíkulo 26 inisio 2.

 

Hasiendo uso di artíkulo 96 di Reglamentu di Orden nos ta hasi minister Jesus-Leito e siguiente preguntanan:

 

  1. Minister ta na altura ku pa di dos biaha den un par di luna, doñonan di Marriott Hotel ta intentá di violá nos regla i leinan i ta trata na kita akseso liber di e playa na Parasasa dilanti di e Hotel pa esaki ta liber i aksesibel pa pueblo di Kòrsou?

 

  1. Minister ta komprondé ku e aktitut aki di Gobièrnu di Kòrsou, di no aktua ku man duru kontra e doñonan di Marriott Hotel, ta iritando e pueblo i hasta tin di hende den puebo ku kier tuma lei den na mes man?

 

  1. Minister por informá Parlamento di Kòrsou ku awor sí, Minister lo bai manda un karta pa e doñonan di Marriot Hotel pa informá nan ku Minister lo aktua ku man duru (Sterke Arm) kontra di nan, si nan violá e akuerdo ku nan tin ku Gobièrnu den e “Erfpachtsbesluit” i tambe si nan violá artíkulo 26 insiso 2 di “Burgelijke Wetboek 5”?

 

  1. Minister por por manda kopia pa Parlamento, di e karta ku Minister lo manda pa e doñonan di Marriott Hotel?

 

  1. Minister lo informá nan ku nan mester kita “Afrastering” di palu maron na parti Oost di Marriott ku ta stroba e aksesibilidat di nos pueblo na su playa, debí ku esaki ta violando e “Erfpachtsbesluit” fecha 20 di sèptèmber 2016.

 

  1. Minister lo ta dispuesto pa laga koregí e Erfpacht di Marriott, dor di saka e parti di playa ku aworaki ta den na Erfpacht, kompletamente for di nan erfpacht ? Ya asina no tin ningun disputa mas.

 

Frakshon di MFK ta spera ku minister Jesus-Leito tuma bon nota di e kontenido di e karta aki i kontestá nos preguntanan den e tempu stipulá konforme palabrashonnan entre Parlamento i Gobièrnu di Kòrsou.

 

Atentamente,

 

_______________

Charles Cooper

Parlamentario pa

Frakshon di MFK

 

 

Na: Presidente di Parlamento di Kòrsou

Sr. W. Millerson

Wilhelminaplein # 4

PRESENTE

 

Kòrsou, 8 di yüli 2019

 

Apresiabel Sr. Millerson, 

 

Pa medio di e karta aki, hasiendo uso di artíkulo 96 di reglamentu di órden 

di Parlamento, mi ke pidi bo persona pa dirigí e karta athunto na promé Minister Zita Jesus-Leito ku preguntanan ku frakshon di MFK ta hasi na e minister konserní.

 

Danki pa e koperashon.

 

Atentamente,

 

_______________

Charles Cooper

Parlamentario pa

Frakshon di MFK

 

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: