Pronóstiko di tempu pa Kòrsou i bisindario bálido te djasabra mainta 6:00 o.l, 13 di yüli 2019.

Pronóstiko

Pronóstiko di tempu pa Kòrsou i bisindario bálido te djasabra mainta 6:00 o.l, 13 di yüli 2019.
Kompilá: djabièrnè 12 di yüli 2019, 05:00 o.l. (09:00 UTC)

Tempu: Shelu lo ta parsialmente nublá e awe ku chèns pa un tiki áwaseru. Den kurso di mayan djasabra, nubianan lo oumentá temporalmente i kousa áwaseru ku posibel welek i bos lokalmente.

Temperatura máksimo lo alkansá 32 ºC i temperatura mínimo 27 ºC.
Solo ta sali 06:18 i ta baha 19:05 o.l.

Bientu: For di un direkshon generalmente ost i moderá; forsa 3 te 4 (12 te 30 km/ora, 7 te 16 nudo). Durante dia, de bes en kuando basta fuerte den ráfaga; forsa 5 (31 te 39 km/h, 17 te 22 nudo).

Situashon general: Presensia di tiki humedat den airu lo limitá desaroyo di áwaseru durante di awe. E potensial pa awa kai i tambe chèns pa bos zona ta regresá riba djasabra. Esaki, pa motibu ku un ola tropikal ta aserka i despues pasa den nos área durante di wikènt. Ademas, e fluho di bientu lo keda un poko suak riba djasabra tambe i despues bira mas fuerte riba djadumingu.

Kondishon di laman: Trankil te moderá ku altura di olanan entre 0.5 te 1.5 meter (2 te 4 pia).

Sistemanan signifikante di wer tropikal: Tormenta Tropikal Barry ta situá riba e parti nort-sentral di Golfo di Mexico miéntras e ta move pokopoko den direkshon wèst. E tormenta no ta un peliger pa nos área.

Fenómeno spesial: Ningun.

Pèrspektiva te djadumingu mainta: Shelu lo ta basta nublá i awa lo por kai ainda den djadumingu mainta.

Meteorólogo: Coffie