Pronóstiko di tempu pa Kòrsou i bisindario bálido te djamars mainta 06:00 o.l, 16 di yüli 2019.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l, 16 di yüli 2019.
Kompilá: 
djaluna 15 di yüli 2019, 05:00 o.l. (09:00 UTC)

Tempu: Parsialmente te hopi nublá ku algun áwaseru i no ta ekskluí possibilidat pa bos zona.

Temperatura máksimo lo alkansá 31 ºC i temperatura mínimo 26 ºC.
Solo ta sali 06:19 i ta baha 19:05 o.l.

Bientu: For di un direkshon generalmente ost i moderá; forsa 3 te 4 (12 te 30 km/ora, 7 te 16 nudo). De bes en kuando basta fuerte den ráfaga; forsa 5 (31 te 39 km/h, 17 te 21 nudo).

Situashon general: Un disturbio asosiá ku un otro ola tropikal ta situá den nos region ta aserka i krusa nos área durante dia di awe. Pa e motibu aki lo tin desaroyo di algun nubia riba nos isla ku lo generá algun áwaseru ku posibilidat pa bos zona.

Kondishon di laman: Moderá ku altura di olanan entre 1 te 1.5 meter (3 te 5 pia).

Sistemanan signifikante di wer tropikal: Siklon Tropikal Barry a sigui suak, despues ku awe esaki a subi i move riba tera na e parti sùit di Estádos Unídos. Sentro Nashonal di Orkan na Miami a emití un último boletin riba e sistema tropikal aki.

Fenómeno spesial: Ningun.

Pèrspektiva te djárason mainta: Parsialmente nublá i no ta antisipá áwaseru signifikante.

Meteorólogo: Rombley.

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: