Tico Janga i Carmelo De Stefano a sera “akuerdo di prograshon” nobo ku Radio Play FM 97.1 Bonaire.

Tico Janga i Carmelo De Stefano a sera “akuerdo di prograshon” nobo ku Radio Play FM 97.1 Bonaire.

Kralendijk–Djaluna atardi Tico Janga a firma un akuerdo di produkshon nobo ku sr. Carmelo De Stefano  di Flamingo Broadcasting Network ( Radio Play FM 97.1 Bonaire). E akuerdo nobo ta enserá ku ta bai tin un turnaraud pa loke ta produkshon nobo di Radio Play FM Bonaire, bou di maneho ekslusivo di Albertico “Tico” Narcisio Janga. 

T’asina ku e último lunanan por a tende den medio di komunikashon red sosial, ku radio a pèrdè algun lokutor, pero mayoria di e lokutor nan ta bèk i dentro di poko Play FM 97.1 ta bai hasi algun ahuste na su programashon pa asina demstrá kalidat di programashon total. Koleganan di Play FM ta hopi optimista i a demostrá un loyalidat i optimismo pa loke ta trata radio Play FM 97.1. Nan a sa di duna e gerente nobo tur e estimulo i ta pará tras di e gerente nobo pa radio Play FM 97.1 sigui den aire pa hopi tempu nan. Nan ta desidido pa hinka nan skouder pa progreso di Radio Play Fm 97.1. 

Komo direktor enkargá ku akuerdo di produkshon ta Tico Janga kende tin eksperesnsia den mundu di komunikashon ( media) i a hasi algun estudio dirigí riba maneho di negoshi HBO ( Middle Management & Bedrijfsvoering) i ( Komunikashon Efektivo) pa loke ta trata den empresa di komunikashon, e ta un kamaramèn, fotgrafo sertifiká i tin konosementu amplio den medio di komunikashon i komo produktor di Televishon. Tico Janga tabatin un programa pa mas di un aña na Nos TV, Di Tur Un Poko Show bibu, i a tabatin un kolumna den korant Extra Boneiru  ” Di Tur Un Tiki / Poko di farandula i algu mas pa mas di 15 aña i a traha komo reportero na Extra Bonaire i a kapará hopi eksperensia ku awor e por dirigí un Stashon di Radio ku ta Play FM Bonaire 97.1 FM. 

Segun e direktor nobo di Play FM 97.1 e no ta bai den detaye di e akontesementunan di último luna i dianan na Play FM ku tabata den korant i media sosial, pero ta laga e kosnan ei pa pasado i pa esunan ku a skirbi nan i esmas ku esun ku a publika sin a averigua kiko tin di berdat. Hopi no tabata kuadra ku berdat, pero e ta laga e kosnan ei pa pasadó. Komo ku awor tin un bon vibe nobo pa loke ta trata Play FM. 

Tur e dj nan ku nan ku tabata forma parti di Play fm for di prensipio e gerente nobo ta yamanan danki pa nan aporte balioso na kresementu di Play 97.1 FM Bonaire. Nan kontribushon tabata un gran aporte. 

Ya por a skucha e atkisashon nobo ku ta e hóben Edi-Sherreyun hóben multi artisko ku tei durante e dianan di fakansi di 9or am pa 12′ or di merdia i tur djasabra ku un programa dirigí pa hubentut, ” Mainta Infantil ku Edi-Sherrey  na Play FM Bonaire 97.1. 

Den sekshon di Notisia tambe dentro di poko lo tin mas kolaborador profeshonal ku ta bai atende ku notisia i hopi mas atkesishon di personan pa produsí programanan edukativo, sosial, counseling.  Radio Play 97.1 FM Bonaire ta bai tin un variashon di programa di mucha te ku hende grandi i atraktivo. Segun e gerente nobo, no ta Play FM a kore ku niun DJ ni niun lokutor, nan mes a bai di nan mes. Esunan ku ke bin bèk ta bon biní. Apesar ku tin sigur 2 ku no ta bai regresá mas. Tur kos bon e gerente nobo ta deseá nan. 

E gerente nobo di Play FM kende ta e konosido persiodista/ reportero, fotó grafó,  Tico Janga, ke gradisí sr. Carmelo De Stefano pa e konfiansa depositá di den su persona pa a yega na un ” Akuerdo di Programashon ” nobo pa loke ta trata Play Radio FM 97.1 Bonaire. 

Tambe e gerensia nobo di Radio Play Fm ker a yama tur e kasnan komersial ku a sabi di aportá for di prensipio i awor hopi danki. Gerente di Play FM ta sigui spera boso aporte pa promové boso empersa i produktonan.