Detenshon pa ladronisia ku violensia.

KOMUNIKADO DI PRENSA
275 / 2019
17 yüli 2019
Detenshon pa ladronisia ku violensia.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djárason 17 di yüli 2019, alrededor di 01.00 or di mardugá, Sentral di Polis a risibí
notifikashon di un kaso di ladronisia ku violensia ku a tuma lugá na un trùk di pan den área
di Roodeweg.
Na yegada di e patruya na e sitio, nan a topa ku un hòmber ku a deklará na polis ku tres
hòmber sospechoso a sorprend’é ku arma di kandela, menas’é i bai ku e kaha di plaka.
Despues di nan akto, e sospechosonan a hui bai den un outo.
Kontinuando ku un búskeda den e área, polis a logra detené e tres sospechosonan.
Ta trata di e hòmbernan:
 R.K.K., di 20 di aña di edat,
 C.J.B., di 18 di aña di edat,
 I.R.F., di 21 di aña di edat, tur tres nasé na Kòrsou, pa e kaso di ladronisia i violensia
ariba menshoná.
A haña i a konfiská un kantidat di sèn ku probablemente ta prosedente di e ladronisia.
I tambe a konfiská e outo di e sospechonan.
A presentá e sospechosonan dilanti di un Fiskal Ouksiliar ku a ordená nan enkarselamentu
pendiente di mas investigashon.