Pikop ku a ser haña na shut ku skelet tin tur indikashon ku por ta pikop di Michel Venema

Pa algun dia kaba a señala un vehikulo den laman brutu di nortkan pa mas eksakto den area di shut. Ta algun sambuyadonan di kref a bin tuma nota di e vehikulo aki den fondo di laman ora nan tabata buska kref. E echo ku e vehikulo aki a hala anteshon di e sambuyadonan ta ku e tabata un pikop i e tabata un vehikulo kompletu i no ta manera ta kustuber ku nan sa topa pida pida di vehikulo ku ta prosedente di hortamentu di outo. I esaki tabata trata di un pikop Ford. Mesora a bati alarma ku tin algu straño. For di dia 7 juli 2019 a kuminsa ku tramitenan pa saka e vehikulo aki foi laman.

Dia 17 di Juli 2019 a hasi tur esfuerso pa bini ku e pikop aki riba tera bek, tabata un trabou duru pa por a logra esaki. Diferente sambuyado a baha na awa pa por logra esaki i tabata tin diferente funshonario di polis i TOD i forensiko na e sitio. Ora a bini ariba ku e pikop aki a bin tuma nota ku tabata tin seklet den e vehikulo, mesora a kuminsa hasi e investigashonan necesario pa por saka afo ta di ken e pikop Ford aki ta.

Bin sali na kla ku e pikop kuadra ku esun di homber ku ta perdi for di luna di september 2018 Michel Venema ku ta perdi for di luna di september 2018. A tuma kontakto ku kuerpo polisial pero nan no por konfirma ku ta e pikop di e persona aki i ku ta investigashon so por dedusi esaki.

 

Lo keda pendiente di investigashon pa por konfrima tur esaki.

This site uses Akismet to reduce spam. Learn how your comment data is processed.

error: Content is protected !!
%d bloggers like this: