Asina ‘ki nos ta sera un siman mas.

Asina ‘ki nos ta sera un siman mas. Tabata un siman di trabou duru, pero mi ta kontentu kon el a kaba. Awe a huramentá serka mi vários hóben pa dos kuerpo uniformá, esta Wardakosta i VKC. Loke ta duna mi satisfakshon, ta di mira hóbennan bai pa nan meta i duna tur ku tin pa logra esaki. Ademas e bunita di esaki ta ku nan meta ta pa nan sirbi Kòrsou i su siudadanonan. Mashá pabien na e hóbennan aki. Nan ta e speransa pa Kòrsou. Felis fin di siman!