MCB ta sigui sostené nos hóbennan rumbo pa Junior World Series 2019

MCB ta sigui sostené nos hóbennan rumbo pa Junior World Series 2019

 

WILLEMSTAD- Ku hopi apresio gerensia di Maduro & Curiel’s Bank a risibí e delegashon di “Curaçao Junior League Softball” ku ta bai representá nos region di Karibe i Sentro Amérika na kirkland, Washington di 28 di yüli pa 3 di ougùstùs. 

E hóbennan aki ta muestra di positivismo, perseveransia, dedikashon i trabou duru. 

Ta pa nos di famia MCB un orguyo inmenso di por kontribuí ku nos muchanan pa por partisipá na e kampionato aki kaminda lo tin klupnan ku ta representá diferente region di Latino Amérika i Karibe, Asia Pasífiko, Europa, Afrika, Canada i timnan na Merka.

Ku satisfakshon nos tin ku bisa ku e tim di entrenadó, coach i delegado ta konsistí di dos kolega di famia MCB esta Patrick Girigorie komo coach di picher i Leonice Avastia komo delegado. Boluntarionan ku ta aportá ku alma i kurpa na desaroyo i kresementu di nos hóbennan. 

Gerensia di Maduro & Curiel’s Bank N.V. i koleganan ta deseá e hóbennan aki tur kos bon na Kirkland, Washington. Nos ta sigur ku e eksperensia aki lo ta inolvidabel pa kada unu. 

MCB ta konfirmá nos kontribushon na positivismo den nos komunidat, laga nos ban sigui bisti e brel positivo.