Olympia Taekwondo Association

Olympia Taekwondo Association
E skol di Taekwondo  Olympia Taekwondo Association resientemente den fakansi eskolar a laga 1 di su tòp atleta nan bai Colombia pa un kompetensia titulá II Campeonato Open Internacional “Feria de Flores” 2019.
E motibu di esaki ta ku tin diferente kompetensia internashonal ta biniendo i ku Curaçao mester ta bon representá i di e forma aki nos por midi kon leu nos ta. Na e kompetensia aki tabata tin diferente pais.
Paisnan manera Mexico, Guatemala, Venezuela, Ecuador, Bolivia i naturalmente tur e hopi skol nan di taekwondo na Colombia.
Nos mester bisa Shadeon Donker a sa di kue un medaya di bròns mei mei di tur e mas ku 2000 kompetidor nan ku tabata presente na e kompetensia aki.
Despues di e kompetensia Shadeon Donker a bai train durante un periodo chikí 2 biaha pa dia serka profesora Monica Urrego ku tin na su enkargo e Selekshon di Medellin. Monica Urrego tin diferente titulo mundial riba su nòmber.
Un saludo deportivo,
Olympia Taekwondo Association

This site uses Akismet to reduce spam. Learn how your comment data is processed.

error: Content is protected !!
%d bloggers like this: