PRESIDENTE DI FIFA, SR. INFANTINO, AKI NA KÒRSOU MIÉNTRAS PREPARASHONNAN PA NATIONS LEAGUE SU DI 2 BUÈLTA TA KONTINUÁ!

PRESIDENTE DI FIFA, SR. INFANTINO, AKI NA KÒRSOU MIÉNTRAS PREPARASHONNAN PA NATIONS LEAGUE SU DI 2 BUÈLTA TA KONTINUÁ!

Manera ya ta konosí e presidente di FIFA Sr. Gianni Infantino lo ta na Kòrsou pa promé biaha komo presidente di FIFA, den kuadro di e inougurashon di e kamerin ku yerba artifisial nobo di FFK i tambe pa e selebrashon di 100 aña di Jong Holland. Djabièrnè 9 di ougùstùs e lo yega den oranan di atardi i e siguiente dia mèrdia e lo bandoná nos isla pa sigui ku su bishitanan na e otro paisnan.

E programashon tentativo pa dia 9 di ougùstùs ta konta ku bishita na Gobernador ku Gobièrnu di Kòrsou pa mas anochi e asistí na e ‘gala dinner’ di Jong Holland kaminda e lo ta e oradó invitá pa e anochi aki. Riba djasabra 10 di ougùstùs pa 10’or di mainta e lo ta na FFK pa saludá tur hungadó hubenil i pueblo di Kòrsou en general. Mas despues ta sigui e parti inougurashon di e kamerin i yerba artifisial nobo di FFK i e dia lo terminá ku un reunion ku direktiva di FFK.

Pues Sr. Infantino lo tin 2 dia yená ku aktividat aki na Kòrsou.

 

Aparte di e bishita importante aki, nos selekshon nashonal kampion di King’s Cup 2019 ku a marka historia yegando kuart final di Gold Cup 2019, lo tin 4 kompromiso importante di e di 2 buèlta di Nations League grupo A. Dia 7 di sèptèmber nos lo enfrentá Haiti aki na Kòrsou miéntras nos lo topa Haiti na Haiti dia 10 di sèptèmber. 13 di òktober nos lo ta na Costa Rica pa enfrentá Costa Rica i dia 14 di novèmber nos lo bolbe topa Costa Rica aki na Kòrsou den Stadion Ergilio Hato. Pronto karchinan pa e 2 partidonan aki na Kòrsou lo ta disponibel na e puntonan di benta di kustumber.

 

Tambe nos tin diferente selekshon hubenil ku lo bai representá nos dushi isla den eksterior, e Gran Finalnan di Liga MCB Promé ku Terser Divishon i Kopa ABC 2019 ku tambe ta na kaminda.

Tin diferente aktividat importante ku lo tuma lugá proksimamente i nos lo sigui duna informashon di tur esaki nan den transkurso di dia nan.

 

Keda pendiente pa mas informashon…

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: