Fantrip Corendon pa Houston, Kansas City i Philadelphia
Fantrip Corendon pa Houston, Kansas City i Philadelphia
E sigiente a wordu deklará awe tardi durante e konferensia di prensa pa Atilay Uslu di Corendon:
Corendon ta kumpli ku promesa i ta organisá vuelonan pa Mundial di Futbol 2026 pa tur tres suidat na unda Kòrsou ta bai hunga su weganan, esta Houston, Kansas City i Philadelphia.
Corendon ta ofrese tres pakete:
- Flight Only
- Flight Only + hotel
- Flight Only + hotel ku karchi entrada
Den kaso di karchi entrada, Corendon ta soru pa FIFA haña tur informashon di esnan interesa. FIFA ta tuma kontakto ku e persona via mail i app ku bo tin ku download. No MESTER kumpra karchi via di Corendon. Por reservá i kumpra tambe direktamente via FIFA.
Pa e vuelonan ku Corendon ta bai hasi uso di su propio avion, un Boeing 737 Max ku ta bai bin for di Ulanda pinta kompletu na ‘Blue Wave’. E avion ta bai wordu stashoná na aeropuerto Hato.
Corendon ta bai tin 5 vuelo for di Kòrsou pa Houston, 4 vuelo pa Kansas City i 4 vuelo pa Philadelphia
Corendon tin pa loke ta trata hotelnan na e tres suidat, kontrakt ku 30 hotel. Mayoria di nan ta di e kadena hotelero Hilton.
Na luna di mei e guest ta haña sa di Corendon den kwa hotel e ta hospedá.
Den kada suidat Corendon ta bai organisá un fanzone ku e posibilidat pa wak e weganan ku Ulanda ta hunga.
Esnan ku ta biaha pa Houston por paga nan ticket djarason 17 di desember di 11 AM pa 4 PM den Capital Ç riba kaminda di aeropuerto. Einan ta bai ta swipe-only. No ta tuma cash. Minimo ku mester paga 35 % di e gastu total.
