EHEKUTIVONAN DI ELMAR DI ARUBA TA BISHITÁ AQUALECTRA PA INTERKAMBIÁ KONOSEMENTU I EKSPERENSHA

EHEKUTIVONAN DI ELMAR DI ARUBA TA BISHITÁ AQUALECTRA PA INTERKAMBIÁ KONOSEMENTU I EKSPERENSHA

Willemstad, 12 di Sèptèmber 2023 – Resientemente e kompania di distribushon di awa i koriente na Aruba, Elmar, tabata bi bishita serka Aqualectra. Elmar a keda representá dor di CEO Dr. Anthony Irausquin ku tabata akompañá pa un delegashon di ehekutívonan di e kompania. Durante e bishita di dos dia, Aqualectra a duna un bista basta amplio di Aqualectra su esfuersonan pa distribuí awa i koriente. Tambe a profundisá riba operashon di e kompania i maneho di rekursonan, meskos tambe servisio na kliente i proyektonan di inovashon.

CFO di Aqualectra, Sra. Neysa Isenia, i tim di maneho di Aqualectra a risibí e delegashon di Elmar pa un introdukshon. Despues, durante di un programa basta intensivo, nan a bishitá i interkambiá di idea ku koleganan di Aqualectra.

Tantu Aqualectra komo Elmar a suprayá e benefisionan di e tipo di interkambio aki na bienestar di e kompanianan i e komunidat ku ambos ta sirbi.