Gobièrnu di Kòrsou lo partisipá den e posibel blokeo naval/marítimo kontra di Venezuela ku Presidente Donald Trump ta kontemplando?
Na Minister Presidente
Señor Eugene Rhuggenaath
PRESENTE
Willemstad, 4 di ougùstùs 2019
Tópiko: Gobièrnu di Kòrsou lo partisipá den e posibel blokeo
naval/marítimo kontra di Venezuela ku Presidente Donald
Trump ta kontemplando?
Honorabel Minister Rhuggenaath,
Frakshon di MFK a tuma nota di e intenshonnan di Merka pa inisiá un blokeo naval/marítimo kontra di Venezuela. E blokeo marítimo ku Presidente di Merka Donald Trump ta kontemplando lo nifiká ku barkunan òf sierto barkunan ku karga no por sali ni yega na kostanan di Venezuela.
Ya kaba nos mira e efektonan negativo di partisipá den e sanshonnan di Merka i Union Europeo pa trata na tumba un gobièrnu skohé di forma legítimo pa su pueblo. Na final ta pueblo di Kòrsou lo paga, manera nan ta bisa “Con Los Platos Rotos”.
Nos semper tabata i semper mester keda un pais neutral. Nos no mester basilá pa hasi uso di artíkulo 25 di nos Statüt ku ta bisa ku Rei no por mara nos na ningun akuerdo Ekonómiko òf Finansiero Internashonal ku ta bai inpugna ku nos interesnan ekonómiko òf finansiero.
Mirando ku frakshon di MFK ta ta sumamente preokupá pa e desaroyonan aki relashoná ku pais bisiña Venezuela, kual lo por tin reperkushon mas grave ainda pa nos ekonomia. Hasiendo uso di artíkulo 96 di Reglamentu di Orden di Parlamento nos kier hasi e siguiente preguntanan na Minister Rhuggenaath;
- Ta bèrdat ku gobièrnu di Kòrsou ta òf lo apoyá gobièrnu di Merka den un posibel blokeo naval/marítimo kontra di pais bisiña Venezuela?
- Ta bèrdat ku Gobièrnu di Hulanda ta òf lo bai tuma e desishon pa usa awanan teritorial i ekonómiko di Boneiru pa yuda Merka den su blokeo naval/marítimo kontra di Venezuela?
- Gobièrnu di Kòrsou ta dispuesto i desidido pa hasi uso di artíkulo 25 di nos Statüt pa evitá ku nos ta ser envolví den e guera friu di Merka cq Hulanda kontra di Venezuela?
- Gobièrnu di Kòrsou por indiká ta kon e barkunan ku krudo, ku a ser primintí dor di Minister Manuel Quevedo, lo por yega Kòrsou, si nos partisipá pa yuda Merka cq. Hulanda ku e blokeo naval/marítimo kontra di Venezuela?
Si krudo no por yega mas Kòrsou, pa motibu di Gobièrnu di Kòrsou i Hulanda su partisipashon den tipo di sanshonnan aki, esaki lo por ta devastador pa nos ekonomia. Ta p’esei Gobièrnu di Kòrsou mester hasi uso di artíkulo 25 di nos Statüt, meskos ku a hasi den pasado den kaso di Cuba i Jamaica.
Frakshon di MFK ta spera ku Minister Rhuggenaath lo tuma bon nota di e preguntanan aki i ku Minister lo kontestá e preguntanan den e tempu stipulá den e protokòl entre gobièrnu i Parlamento di Kòrsou.
Atentamente,
Gilmar Pisas
Parlamentario pa
Frakshon di MFK
Link nan di interes;
https://globalnews.ca/news/5715379/donald-trump-blockade-venezuela/
President Donald Trump said he may order a blockade of Venezuela, where the U.S. has sought to depose President Nicolas Maduro.
“Yes, I am,” Trump told reporters Thursday after he was asked whether he was considering a blockade or quarantine. He didn’t elaborate in brief remarks as he departed the White House for a campaign rally in Cincinnati.
The Trump administration has thrown its support behind National Assembly head and opposition leader Juan Guaido, who is recognized by about 50 nations as the rightful interim leader of the South American country.
Talks between the Maduro regime and the opposition have made little progress due to an impasse over Guaido’s demand for fresh elections. Despite Venezuelans’ widespread dissatisfaction with their government, divisions within the opposition are complicating the push toward a post-Maduro administration.