Reunion di preparashon entre Kòrsou, Aruba i Sint Maarten

Willemstad- riba 18 di yanüari último e tres paisnan Karibense den Reino Aruba, Kòrsou i Sint Maarten a tene e promé Tripartite Ministerial. E promé enkuentro aki tabata di forma virtual den preparashon pa e “Vierlandenoverleg”, e enkuentro Quad-partite huntu ku Hulanda riba 7 i 8 di febrüari 2019.

E tres paisnan a hasi palabrashon ku nan ta bai sigui estrechá e lasonan riba diferente tereno, en todo kaso pa Enseñansa, Siensia i Kultura. Riba djabièrne 9 di ougústus último a sigui e di dos Tripartite pa e aña aki entre Aruba, Kòrsou i Sint Maarten pa midi e progreso ku e paisnan ta hasiendo riba e diferente temanan ku a akordá huntu. E Tripartite aki tambe a tuma lugá di forma virtual.

Temanan ku a toka ta entre otro instituto kombiná pa studia pa maestro, trato igual di estudionan den Reino, interkambio di pasantia/ stage, e reto di studiantenan ku debe di DUO, formulá pa nos hobennan por studia mas ekonómiko den region i fondo pa kultura.

Ku esaki Ministerio di Enseñansa, Siensia, Kultura & Deporte ta keda kontentu ku e preparashon nan ta kana segun ku ta sigui palabrá pa sigui traha huntu.

**Riba e fotonan athunto por tuma nota di e momentunan di e reunion virtual si Minister sra. M. Alcalá-Wallé, Minister A. Lampe di Aruba i Minister W.Smith akompaña pa na respektivo delegashonnan.