KOPA ABC TA INISIÁ, DJASABRA 17 DI OUGÙSTÙS PRÓKSIMO NA ARUBA, BONEIRU I KÒRSOU! VESTA LO TOPA VESPO DEN SDK 8’OR DI ANOCHI!
KOPA ABC TA INISIÁ, DJASABRA 17 DI OUGÙSTÙS PRÓKSIMO NA ARUBA, BONEIRU I KÒRSOU! VESTA LO TOPA VESPO DEN SDK 8’OR DI ANOCHI!
Awor ku e ekiponan kampion ku supkampion di tantu Aruba, Boneiru i Kòrsou ta konosí, Kopa ABC ta kla pa ranka sali! Despues ku aña Kopa ABC a keda introdusí, e aña aki tambe Aruba, Boneiru i Kòrsou a uni forsa pa e kontinuashon di Kopa ABC 2019.
Meta di e kampionato aki ta pa e timnan di Aruba, Boneiru i Kòrsou kompetí ku otro pa midi e nivel deportivo i alabes fortifiká e amistat i fraternidat entre e islanan.
E ekiponan ku lo partisipá na e kampionato aki ta e ekiponan kampion i supkampion di Aruba, Boneiru i Kòrsou. Pues e ekipo kampion di Aruba, RCA, lo enfrentá RKSV Scherpenheuvel, e ekipo supkampion di Kòrsou na Aruba. E kampion di Boneiru, Real Rincon, lo enfrentá e ekipo supkampion di Aruba, Deportivo Nacional, na Boneiru. Miéntras na Kòrsou, Fc Vesta, e ekipo kampion di Kòrsou lo topa e supkampion di Boneiru ku ta Vespo. E promé buèlta di Kopa ABC lo ta djasabra 17 di ougùstùs 2019.
Skema di Kopa ABC:
Fecha | Orario | Ekipo A | Ekipo B | Stadion | ||
1 | 17-08-19 | 20:00 | RCA | vs | RKSC Scherpenheuvel | C.D. Guillermo Prospero Trinidad |
2 | 17-08-19 | 20:00 | Real Rincon | vs | Deportivo Nacional | Antonio Trenidad |
3 | 17-08-19 | 20:00 | Fc Vesta | vs | Vespo | Ergilio Hato |
SEMI-FINAL | ||||||
4 | 24-08-19 | 20:00 | Ekipo nr. 1 | vs | Ekipo nr. 4 | Lo anunsiá despues |
5 | 24-08-19 | 20:00 | Ekipo nr. 2 | vs | Ekipo nr. 3 | Lo anunsiá despues |
FINAL |
||||||
6 | 31-08-19 | 20:00 | Ganadó wega 4 | vs | Ganadó wega 5 | Lo anunsiá despues |
*E partido final lo por tuma luga dia promé di sèptèmber
E ekiponan ganadó i e ekipo mihó pèrdèdó ta sigui pa e di 2 fase di e kampionato ku lo tuma lugá dia 24 di ougùstùs. Den e semi-final e 2 ekiponan ganadó ta bai disputá e final dia 31 ougùstùs òf promé di sèptèmber próksimo.
Entrada pa e partido aki ta fl.10,- pa adulto miéntras mucha di 6 te ku 12 aña i 60+ ta paga fl.5,-. Karchinan pa e partido aki ta optenibel djasabra promé ku wega for di 9’or di mainta na e lokètnan di SDK.
FFK ta invitá hinter e pueblo di Kòrsou pa bin na bòshi bin apoyá, Fc Vesta, e ekipo kampion di Liga MCB Promé Divishon ku lo enfrentá Vespo, e supkampion di Boneiru durante e inisio di Kopa ABC aki na Kòrsou!
Nos ta topa djasabra, 17 di ougùstùs den Stadion Ergilio Hato!
15 ougùstùs 2019