Nesesidat pa un organisashon fuerte di Adulto Mayó i Penshonado.

Nesesidat pa un organisashon fuerte di Adulto Mayó i Penshonado.

 

Mas i mas Kopamko ta rekonose i ta mira e nesesidat pa un organisashon fuerte pa sali na defensa di nos Adulto Mayó i Penshonado aki na Korsou.

Ta konosi ku hoy en dia biba largu i alkansa edad haltu den un komunidat a bira algu masha normal. 

Desde inisio di su lantamentu Kopamko a hiba un lucha na bienestar di Adulto Mayó i Penshonado aki na Korsou. Hopi esfuerso a ser hasi pa konvense esnan ku ta tuma desishon pa oido pa nos Adulto Mayó i Penshonadonan, pa mustra riba e derechi di eksistensia di Kopamko, aspta e organisashon komo partner di kombersashon i tambe krea un kuadro legal pa organisashonnan di Adulto Mayó i Penshonado por a opera aden. Ku e miro pa Kopamko por ta partisipe den tur desishon ku por afekta bida i situashon di nos grandinan aki na Korsou.

 

No opstante tur esfuerso ku Kopamko a hasi organisashonnan di Penshonado i Adulto Mayó nunka a haña e luga, respet i partisipashon den tomo di desishon ku ta afekta bida di tantu e Penshonado komo e Adulto Mayó. Kopamko ta lamenta esaki profundamente si bo mira kon organisashonnan ku no ta duna aporte i tin un balor agrega di traha na bienestar di nos komunidat i speshalmente nos hende grandinan, si ta gosa di protekshon i ta haña subsidio di Gobiernu manera entre otro un Kamara di Komersio. Organisashonnan ku menos miembro ku Kopamko ta partner di kombersashon i ta partisipa den Dialogo Nashonal i ta eskluï Kopamko i otro organisashon di Penshonado di partisipa den entre otro SER i Dailogo Nashonal.

Ta konosi ku medidanan implemente i otronan ku Gobiernu ta kontempla pa introdusi, ahustenan/reforma fiskal, 1 florin pa resept regel, limitashon na sierto remedi i vitamina, AZB i oumento di gastunan bankario ta afekta fuerte e forsa di kompra di e Adulto Mayó i Penshonado. Pa duna resistensia na e situashon aki i trese un balanse na bienestar di nos grandinan Kopamko ta hasi un jamada dramatiko na tur organisashon di Adulto Mayó i Penshonado aki na Korsou tantu esnan afilia i no afilia pa asisti na un reunion di sumo importansia pa tur organisashon di nos grandinan ku e meta pa forma un organisashon fuerte pa defende e Adulto Mayó i Penshonado.

 

                                                       Fecha:    22 ougùstùs 2019

                                                      Ora:   2.00 or pa 4.00 or di atardi

                                                      Lugá:   SSK (ántes AVVC)

                                                      Direkshon:   Schouwburgweg

 

Nos konta ku boso presensia i partisipashon. 

 

Sr. Randolph Gijsbertha Sr. Robert E. E. Andrea

Presidente KOPAMKÒ Sekretario di Organisashon KOPAMKO