KOMUNIKADO DI KUERPO POLISIAL KÒRSOU Polis ta alkansabel via app (5242480) i numbernan akustumbra

 

KOMUNIKADO DI PRENSA 244 / 2020
26 yüni 2020
Polis ta alkansabel via app (5242480) i numbernan akustumbra
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
Relashoná ku e diferente kasonan di sendementu di kandela, destrukshon i
sakeonan di último dianan, Kuerpo Polisial huntu ku su partnernan ta asumiendo su
responsabilidat di restablesé òrdu i e sentido di trankilidat bek den nos komunidat.
Ya kaba a detené un kantidat di sospechoso ku a hasi nan mes kulpabel na e aktonan
aki i ketu bai tin mas detenshon pendiente.
Polis ta alerta i ta reakshoná inmediatamente riba situashonnan ku por bira posibel
menasa pa nos sosiedat.
No ta tolerá bou di ningun sirkunstansia ningun akto kriminal ni ningun atentado
kontra òrdu públiko òf seguridat di nos nashon.
Kuerpo Polisial ta keda hasi un súplika na komunidat, pa den kasonan ku bo nota un
situashon sospechoso den bo alrededor, pa notifiká polis mesora.
Di e manera aki nos por evitá ku situashonnan ta sali for di man.
Por tuma kontakto ku polis via e number di app 5242480 òf e numbernan di telefòn
917 i den kasonan di urgensia, 911.
Si bo ta deseá di keda anónimo, por yama e number 108.

This site uses Akismet to reduce spam. Learn how your comment data is processed.

error: Content is protected !!
%d bloggers like this: