Dos detenshon en konekshon ku maltrato relashonal.
KOMUNIKADO DI PRENSA 327 / 2019
19 ougùstùs 2019
Dos detenshon en konekshon ku maltrato relashonal.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djadumingu 18 di ougùstùs 2019, alrededor di 08.03 or di mainta, Sentral di polis a dirigí un
unidat polisial den área di Gosieweg, kaminda un hòmber tabata maltratando un dama.
Na yegada di e unidat, no a topa ku e sospechoso. E dama víktima a deklará na polis ku un
ratu promé despues di un diskushon ku su pareha el a keda maltratá.
Siguiendo ku e investigashon a resultá ku ámbos persona a maltrata otro.
Alrededor di 09.30 or, tur dos sospechoso a keda detené. Ta trata di:
e hòmber Y.A.G.B, di 19 aña di edat, i
e dama L.P.C, di 22 aña di edat, ámbos nase na Colombia.
Detenshon tuma lugá na warda di polis Rio Canario.
A presentá e sospechosonan dilanti di un fiskal ouksiliar ku a ordená nan enkarselamentu
pendiente di mas investigashon.
