Pronóstiko di tempu pa Kòrsou i bisindario bálido te djamars mainta 6:00 o.l, 27 di ougùstùs 2019.
Pronóstiko
Pronóstiko di tempu pa Kòrsou i bisindario bálido te djamars mainta 6:00 o.l, 27 di ougùstùs 2019.
Kompilá: djaluna 26 di ougùstùs 2019, 05:00 o.l. (09:00 UTC)
Tempu: Shelu ta parsialmente nublá i wer lo keda seku awe. Tempran riba djamars tin un chèns leve pa un tiki awa kai.
Temperatura máksimo lo alkansá 33 ºC, i temperatura mínimo di 28 ºC.
Solo ta sali 06:25 i ta baha 18:50 o.l.
Bientu: For di direkshon generalmente ost i moderá te basta fuerte; forsa 4 te 5 (20 te 39 km/ora, 11 pa 21 nudo). Prinsipalmente den dia, de bes en kuando fuerte den ráfaga; forsa 6 (40 te 50 km/h, 22 te 27 nudo).
Situashon general: Aktualmente un airu seku ku santu di Sahara ta kubri nos region i no ta premirá posibilidat pa awa kai. E situashon di tempu aki por kambia un poko aserkando mitar di siman, na momento ku un siklon tropikal krusa e parti nortost di Laman Karibe. E ora ei, desaroyo di algun nubia por okashoná un tiki áwaseru den nos área. E fluho di bientu eksistente ku forsa moderá te basta fuerte for di ost-sùitost, lo bira gradualmente mas suak i kambia pa un direkshon ost-nortost durante mayan djamars.
Kondishon di laman: Moderá ku altura di olanan entre di 1 pa 2 meter (3 pa 7 pia).
Sistemanan signifikante di wer tropikal: Tormenta Tropikal Dorian ta situá awe mainta tempran riba Atlántiko Tropikal, djis algun shen kilometer sùitost di Barbados i ta antisipá ku e siklon lo kuminsá move nortwèst mas lat awe. Ta ferwagt tambe ku e Siklon Tropikal lo yega parti di e islanan den Karibe oriental tempran riba djamars pa despues esaki krusa e sekshon nortost di Laman Karibe durante di djárason pa djaweps, na un distansia basta alehá nortost di Kòrsou. No opstante ku e sistema tropikal aki no ta bira un menasa pa nos área, Departamentu Meteorológiko Kòrsou lo sigui su desaroyo durante e próksimo dianan.
Fenómeno spesial: Ningun.
Pèrspektiva te djárason mainta: Parsialmente nublá ku ménos bientu.
Meteorólogo: Coffie
| Day: | Djaluna | Djamars | Djárason | Djaweps | Djabièrnè |
 parsialmente nublá |
parsialmente nublá |
parsialmente nublá |
 áwaseru aislá |
parsialmente nublá |
|
| Rain probability: | 0% | 0% | 0% | 20% | 0% |
| High: | 33ºC / 91ºF | 33ºC / 91ºF | 34ºC / 93ºF | 33ºC / 91ºF | 34ºC / 93ºF |
| Low: | 28ºC / 82ºF | 28ºC / 82ºF | 28ºC / 82ºF | 27ºC / 81ºF | 28ºC / 82ºF |
| Sunrise time: | 06:25 | 06:25 | 06:25 | 06:25 | 06:25 |
| Sunset time: | 18:50 | 18:49 | 18:49 | 18:48 | 18:47 |
| Wave heigth (meters): | 1.5 – 2.0 | 1 – 1.5 | 0.5 – 1 | 0.5 – 1 | 1 – 1.5 |
