MANIFESTASHON PASIFIKO “TA BASTA AWOR”

WILLEMSTAD: Fundashon Hustisia Sosial Korsou (HSK) ta invitá henter Pueblo di Kòrsou pa partisipá den un
MANIFESTASHON “TA BASTA AWOR”, Diadumingu 1 di sèptèmber 2019 pa 4’or di atardi, dilanti Fort Amsterdam na Punda.

HUSTISIA SOSIAL KORSOU ta di opinión ku Pueblo di Kòrsou den su totalidat, pero spEsialmente e klase obreril, no tin
espasio mas pa tuma niun medida finansiero, ku ta afektá forsa di kompra di e suidadano. For di 2013 bin ariba gobièrnu
nan di turno a bin ta tuma tur sorto di medida finansiero kontra di Pueblo, pero sin logra niun resultado. Sinembargo
gobièrnu a bin ta despidí plaka di Pueblo den un forma irresponsabel te ku Hulanda a imponé un “instrukshon”
(Aanwijzing), ku ta enserá ku atrobe Pueblo mester bai paga pa e inkapasidat di gobernantenan pa manehá nos pais den
un forma korekto i desente, na favor di Bienestar i Prosperidat di Pueblo. Tur e tempu Pueblo di Kòrsou a güli manda
abou i akseptá tur medidanan. Sinemabrgo enbes di sali for di e problema, gobernantenan aKtual a hinka nos país den
mas problema i awor ke bolbe bin tuma medida kontra Pueblo.
E biaha aki si HUISTSIA SOSIAL KORSOU ta bai mobilisá pa para TUR MEDIDA ku ta afekta Pueblo. E uniko manera pa hasi esaki den un foma desente i pasífiko sin hinka nos país den mas Problema ta pa subi kaya pa manifestá i mustra
gobièrnu i tambe Hulanda ku TA BASTA AWOR!
E Manifestashon ta riba DIADUMINGU 1 di sèptèmbeer 2019, pa 4’or di atardi, ku ta un dia liber! Esaki ta oa no stroba aktividatnan ekonomiko ni tampoko kousa molèster pa niun hende. Ekonomia di Kòrsou ta hopi débil kaba i no por karga niun paralisashon di aktividatnan ekonomiko, sigur no ku un manifestashon di protesta! Tur hende ku stima Kòrsou ta kordialmente invita pa bin manifesta pasífikamente, i bisti un T-Shirt, Blusa of kamisa BLANKU! Tur hende por bin ku nan Pankarta, pòchi i panchi i stul pa sinta. E intenshon ta pa hasi sufisiente bochincha pa rònt mundu skucha ku ta BASTA AWOR! Ta bai tin diferente orador, representando varios gremio di nos komunidat, pa vosiferá e inkietut di
Pueblo pa ku e desaroyonan aktual. Representantenan di e diferente gremio i organsisashonan sosial, sindikal Iglesia ets. por tuma kontakto ku Jorge Palu Djó Sulbaran, pa regla nan partisipashon!
TA BASTA AWOR!