ÁREANAN PAFÓ DI SENTRO DI SIUDAT KAMINDA NO POR OTORGÁ PÈRMIT DI STANDPLAATS

ÁREANAN PAFÓ DI SENTRO DI SIUDAT KAMINDA NO POR OTORGÁ PÈRMIT DI STANDPLAATS

Geplaatst op 21 Ougùstùs 2019 dor di Ministerio di Desaroyo Ekonómiko

WILLEMSTAD – Ministerio di Desaroyo Ekonómiko (MEO) ta e ministerio responsabel pa otorgá pèrmitnan di standplaats. Últimamente nos a tuma nota tin hopi interes pa standplaats riba Caracasbaaiweg, F.D. Rooseveltweg, Santa Rosaweg, Winston Churchillweg i Jan Noorduynweg. Pa medio di esaki MEO kier informá un i tur tokante disponibilidat di standplaatsnan den e áreanan ariba menshoná.

 

Ministerio di Desaroyo Ekonómiko(MEO) sin mas ta kontentu di mira e interes ku ta biba bou di nos pueblo pa por sali padilanti. Último tempu e ministerio a risibí diferente petishon di mikro empresarionan ku ta deseá e oportunidat di tin un kantina móbil òf un otro tipo di standplaats pa por para bende nan produkto riba sea Caracasbaaiweg, F.D. Rooseveltweg, Santa Rosaweg, Winston Churchillweg i tambe Jan Noorduynweg.

 

Lei di Òrdu Públiko  (Landsverordening Openbare Orde) ta indiká ku Ministerio di Tráfiko, Transporte i Planifikashon Urbano (VVRP) ta esun enkargá pa indiká na unda ta permití pa tin standplaats den áreanan públiko i MEO tin e responsabilidat final pa otorgá e pèrmit di standplaats na e personanan ku ta deseá di bende for di un di e sitionan aki. MEO resientemente konhuntamente ku VVRP a evaluá e kantidat di standplaats ku tin aktualmente na algun sitio pafó di Sentro di Siudat i a yega na e konklushon ku aktualmente no tin mas kapasidat pa standplaats riba Caracasbaaiweg, F.D. Rooseveltweg, Santa Rosaweg i tampoko riba Winston Churchillweg i Jan Noorduynweg, mirando ku e sitionan aki ya ta okupá dor di diferente mikro empresario. Banda di esaki no ta permití pa tin standplaats riba kamindanan primario manera e.o. Helmin Wiels Boulevard, Rijkseenheid Boulvard i Schottegatweg. Pa e motibu aki MEO por lo pronto no por tuma mas petishon pa standplaats pa loke ta trata e áreanan aki.

This site uses Akismet to reduce spam. Learn how your comment data is processed.

error: Content is protected !!
%d bloggers like this: