Parlamentario Wimbert Hato: Komishon Istoria Sklabitut Kòrsou rebelion 225 aña pasa.
Parlamentario Wimbert Hato: Komishon Istoria Sklabitut Kòrsou rebelion 225 aña pasa.
Resientemente, pa ta mas eksakto dia 13 di ougùstùs 2019 den un reunion di komishon sentral riba inisiativa di frakshon di MAN parlamento a trata e tópiko pa rekonosementu na nos héroe nashonal Tula i posibel konstrukshon di un parke i ponementu di estatua den sentro di siudat. Den e reunion ei a ilustrá riba e nesesidatnan pa duna mas informashon I formashon na nos pueblo tokante ken e figura ta i pa kiko e la lucha su lugá den istoria di nos pais. Deseo di e komishon parke Tula ta pa otro aña 2020 durante selebrashon di 225 aña rebelion di Katibu aki na Kòrsou hasi apertura di e parke.
Frakshon di MAN ku satisfakshon a tuma nota ku Minister di Enseñansa, Siensia, Kultura i Deporte sra. Alcala Walle a instituí un komishon bou di e nòmber Komishon Historia Sklabitut Kòrsou rebelion 225 aña pasa “ ku lo atendé ku diferente punto di atenshon manera inventarisá informashon tokante historia di katibunan na Kòrsou den tur faseta, traha material pa lès pa enseñansa di fundeshi, inkorporá e monumentonan ku tin di aber ku sklabitut diseñá pa señores Nel Simon i Yubi Kirindongo. Tambe lo tene kuenta ku e siklo di sklabitut esta e fechanan 17 di ougùstùs, 23 di ougùstùs, 3 di òktober, 2 di desèmber, 25 di mart i 1 di yüli. Den kuadro di esaki nos komo frakshon di MAN kièr a felisitá Minister ku e inisiativa pa e esfuersonan pa informá i forma nos komunidat tokante historia di sklabitut den nos pais.
Pa evitá ku un esfuerso noble por trese ku ne posibel frikshonnan diskordia entre diferente grupo ku ta bringa pe mesun kousa nos kièr a trese algun punto di atenshon I hasi algun pregunta aklaratorio na Minister:
- Ta konosí ku pa años tin algun organisashonnan manera Komishon Konsenshi Istoriko I otro nan ku a traha riba e tereno di konsientisashon riba e lucha di katibunan Minister tin pensa pa nan tambe forma parti I yuda ku material konosementu na e komishon?
- E komishon ku pa años ta konmemorá I organisá 17 di ougùstùs kiko lo pasa den otro aña 2020 nan ta forma parti di e aktividatnan rondó di e selebrashon; Ta nan ta organista òf ta e komishon nobo?
- Un di e 10 lesbrieven lo ser dediká spesialmente pa informá ken tabata e persona Tula kiko el a para pe su vishon su manera di liberá I e parti humano den su personalidat?
- E realisashon di un parke Tula por forma parti di e trabounan di e komishon den kuadro di selebrashon di 225 rebelion di katibu?
Frakshon di MAN ta hopi kontentu ku Minister Alcala Walle ta duna kontenido na loke a ser palabra den e akuerdo di Gobernashon bou di e título Un kultura di Union den Diversidat riba paginá 18 i 19 prinsipalmente e parti ku ta bisa ku kreashon di un konsenshi historiko I kultural ta kontribuí na desaroyo di nos balornan propio I mas rèspèt pa nos mes I ta fomentá mas interes pa nos historia.
