Un detenshon relashoná ku kiebro i ladronisia.

KOMUNIKADO DI PRENSA
332 / 2019
22 ougùstùs 2019
Un detenshon relashoná ku kiebro i ladronisia.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

E tim di reshèrshi stashoná na warda di polis di Montaña, a kontinuá ku un investigashon,
relashoná ku un kaso di kiebro i ladronisia, den kua a detené tres (3) sospechoso
(komunikado di prensa no. 312/2019).
For di e investigashon a resultá ku den e área di Montaña e sospechosonan aki, te na e
momento aki ta responsabel pa dies (10) kiebro mas. Entre otro; shete (7) den kas, dos (2)
den minimarket i unu (1) den un snèk, kaminda nan a bai ku diferente artíkulo di balor.
Ademas djamars 20 di ougùstùs último, reshèrshi di Montaña a detené un otro sospechoso
mas den e área aki pa kiebro i ladronisia den kas. Ta trata di e hòmber:
 I.A.G.D., nasé na Kòrsou di 20 aña di edat.
A presentá e sospechoso dilanti di un Fiskal Ouksiliar, ku a ordená su enkarselamentu
pendiente di mas investigashon.
E tim di reshèrshi aki lo kontinuá ku investigashonnan relashoná ku kiebro i ladronisia den e
área di Montaña.

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: