23 DI OUGÙSTÙS KÒRSOU LO TOPA BAHAMAS 8:30 PM DEN SDK, DESPUES KU NOS A KAI VENSÍ KONTRA GUYANA DURANTE NOS PROMÉ KOMPROMISO DI E CONCACAF WOMEN’S U-17 QUALIFIER!

23 DI OUGÙSTÙS KÒRSOU LO TOPA BAHAMAS 8:30 PM DEN SDK, DESPUES KU NOS A KAI VENSÍ KONTRA GUYANA DURANTE NOS PROMÉ KOMPROMISO DI E CONCACAF WOMEN’S U-17 QUALIFIER!

 

 

Lamentabelmente nos selekshon nashonal di dama kategoria U-17 a kai vensí kontra Guyana i a pèrdè ku skor di 2-1 durante nos promé partido di e torneo aki. Raëngelly Keller a anotá e úniko gol di Kòrsou durante e partido aki.

Nos siguiente wega lo ta mañan, djabièrnè 23 di ougùstùs pa 8:30 pm kontra Bahamas.

Esaki ta bira e segundo fecha di e torneo aki ku lo tèrminá djadumingu, 25 di ougùstùs próksimo den Stadion Ergilio Hato.

Karchinan pa e partidonan aki ta optenibel na e lokètnan di SDK promé ku wega i ta na balor di fl.5,- pa adulto miéntras mucha di 6 te 12 aña ku 60+ ta paga solamente fl.3,-.

 

 

Resultadonan CONCACAF Women’s U-17 Qualifier:

 

Fecha Resultado Tim di kas Bishitante Stadion
21 oug.19 4-1 Bahamas St. Vincent Stadion Ergilio Hato
1-2 Kòrsou Guyana Stadion Ergilio Hato

 

 

Skema CONCACAF Women’s U-17 Qualifier:

 

Fecha Orario Tim di kas Bishitante Stadion
23 oug.19 6:00 pm St. Vincent Guyana Stadion Ergilio Hato
  8:30 pm Kòrsou Bahamas Stadion Ergilio Hato
25 oug.19 5:00 pm Guyana Bahamas Stadion Ergilio Hato
  7:30 pm Kòrsou St. Vincent Stadion Ergilio Hato

 

 

Un i tur por a disfrutá di algun tremendo partido di nos damanan durante e inisio di e torneo aki. Nos ta sigui konta ku e apoyo i sosten un biaha mas di hinter pueblo pa nos segundo kompromiso di e CONCACAF Women’s U-17 Qualifier 2019.

 

Nos ta topa 23 ku 25 di ougùstùs próksimo den Stadion Ergilio Hato!

 

20 ougùstùs 2019

 

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: