Tres empleado di SDKK ta selebrá 40 aña di servisio.

Tres empleado di SDKK ta selebrá 40 aña di servisio.

Geplaatst op 14 October 2020 dor di Ministerio Hustisia

Willemstad- Djaluna último minister di hustisia sr. Quincy Girigorie a duna rekonosementu na tres empleado di Sentro di Detenshon i Korekshon Kòrsou, ku resientemente a kumpli 40 aña den servisio di gobièrnu.

Ta trata di zùster Erita Daal-Fullinck aktual hefe di departamento médiko di prizòn, ku despues di a traha 20 aña na Klínika Capriles a pasa over pa traha na Prizòn na aña 1999.

A rekonosé señora Anie Adamus- Willems hefe di departamento di atministrashon di detenidonan  ku despues di a finalisá skol sekundario a drenta servisio di prizòn na aña 1980 te ku dia di awe.

Tambe a rekonosé direktor di prizòn señor Urny Floran ku a drenta servisio di Kuerpo Polisial na aña 1980 tabata mentor di diferente polis, a traha na diferente departamento di polis entre nan hefe di departamento di ekspulshon di indukumentadonan, Floran ta e funshonario ku a lanta Landelijke Beveiligingsdienst esta LBD na aña 2000, i tabata e promé hefe di LBD, LBD  ta e servisio di seguridat pa mandatario i dignatarionan, Floran a traha na ministerio públiko komo parketsecretaris, Floran tabata direktor di Stichting Beveiligingszorg Justitie, Floran pa vários aña a forma parti komo miembro di direktiva di NAPB i komo tal a traha riba reorganisashon di Kuerpo Polisial.

Di parti di Gerensia i personal di SDKK ta tur klase di éksito na e koleganan aki i ku nan sigui hasi e bon trabou.

Ministerio konserní 

This site uses Akismet to reduce spam. Learn how your comment data is processed.

error: Content is protected !!
%d bloggers like this: