Detenshon relashoná ku menasa, destrukshon i maltrato relashonal.

KOMUNIKADO DI PRENSA 337 / 2019
25 ougùstùs 2019
Detenshon relashoná ku menasa, destrukshon i maltrato relashonal.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djadumingu 25 di ougùstùs 2019, alrededor di 03.08 or di mardugá, Sentral di polis a dirigí
un unidat polisial den área di kanga, pa un hòmber ku tabata maltratando su èks partner.
Na yegada di e unidat, enberdat el a topa ku e sospechoso den e kas i e tabata maltatando
e dama.
For di un investigashon ku polis a realisá na e sitio a resultá ku e sospechoso a bai na kas di
su èks, kaminda el a kibra un bentana i drenta paden. Una bes paden el a destruí diferente
kos den e kas, menasá i maltratá e dama.
E dama mester a haña asistensia di personal di ambulans ku a presentá na e sitio, pa mas
despues e bai su dokter di kas.
Alrededor di 03.45 or di mardugá, polis a detené e hòmber sospechoso F.H.R, nasé na
Kòrsou di 61 aña di edat, na e sitio ariba menshoná, pa maltrato, menasa i destrukshon.
A presentá e sospechoso dilanti di un fiskal ouksiliar ku a ordená su enkarselamentu
pendiente di mas investigashon.
E investigashon den e kaso aki ta kontinuá

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: