Konsierto di Jazz den Punda

Konsierto di Jazz den Punda

Djweps 5 di sèptèmber benidero Fundashon DOJACMC konhuntamente ku DMO lo presentá den kuadro di ‘Punda Vibes’ un gran konsierto di Jazz titulá ‘Jazz Vibes Live’. E konsierto aki ku ta kompletamente gratis lo tuma lugá riba Plaza Jojo Correa di 7’or pa 10’or di anochi. For di 6’or te 6.45’or lo tin un sorteo gratis durante kua e públiko presente por gana bunita regalo. Durante e konsierto aki, organisá pa LadyMo, lo tin aktuashon di e internashonalmente konosí saksofonista yu di Kòrsou John James Willekes (JJ Cool) i The Cool Jazz Experience Band.       Además lo tin benta di bunita merkansia kaminda esnan interesá por kumpra artíkulonan manera e.o. hoyeria i obra di man. Tambe ta eksistí e posibilidat di tatuamentu, kompra di snèk i refresko. Bini unu bini tur bin eksperansiá un fenomenal nochi di jazz, kompañá pa vürwèrk rondó di 8.15’or den kurason di Punda. Tur hende ta bon biní i nos ta konsehá pa bini ku stul propio. Pa mas informashon konsultá e página ‘Punda Loves You Event’ di DMO. Pa posibilidat di benta por fabor tuma kontakto ku Sekretario di DOJACMC, Sra. LadyMo mediante tel. 675.5027 / 510.1254 òf email: kuumadecor@yahoo.com.    

30 di ougùstùs 2019.                                                                         Edna Motifa King Willekes 

                                                                                                            Tel: 675.5027 / 510.1254