Parlamentario Curtley Obispo: Mester koregí, pa asina garantisá solidaridat di pago di belasting na tempu di e OnroerendZaakBelasting.

Parlamentario Curtley Obispo: Mester koregí, pa asina garantisá solidaridat di pago di belasting na tempu di e OnroerendZaakBelasting.

Mester koregí, pa asina garantisá solidaridat di pago di belasting na tempu di e  OnroerendZaakBelasting.

Parlamentario Curtley Obispo durante e reunionnan di Parlamento di Kòrsou di dianan 26 i 27 ougùstùs 2019, a mustra riba e kambionan prinsipal pa loke ta trata e OnroerendZaakBelasting (OZB).  A base di e Lei i e Memoria di Aklarashon di e kambionan pa loke ta trata e Lei di OnroerendZaakBelasting e bisa ku: Inspekshon di Belasting a konstatá: (1) ku tin mas òf ménos 16 mil propiedatnan (“objecten”) aki na Kòrsou ku no ta haña aanslag i a paga e  OnroerendZaakBelasting, (2) ku na introdukshon di e lei aki entrante 1 yanüari 2014, no a introdusí un deber di hasi deklarashon (“aangifte) pa tur kontribuyentenan ku tin un propiedat. A konstatá esaki a base di: (1) e trabounan hasi for di aña 2014 pa loke ta trata e database di  OnroerendZaakBelasting i (2) trabounan for di aña 2014 di balorisashon di propiedatnan aki na Kòrsou den kuadro di ehekushon di e lei di OnroerendZaakBelasting. 

Parlamentario Curtley Obispo a indiká ku den kuadro di artíkulo 84 di nos Areglo di Estado di Kòrsou (nos lei máksimo), solidaridat di belasting i tambe pa garantisá kumplimentu i pago na tempu di e kontribushon di kada kontribuyente, tin ku koregí. Tin ku koregí e situashon aki ku no ta na bienestar i progreso di nos Pais Kòrsou. Mester koregí e situashon di défisit (“tekort”) ku a wòrdu konstatá dor di Inspekshon di Belasting: ku mas òf ménos 16,000 propiedatnan aki na Kòrsou ta kontribuí ku sero florin na Kaha di Pais Kòrsou i konsekuentemente sero florin na pago di gastunan kolektivo di Pais Kòrsou.  Mester koregí pa asina garantisá solidaridat di pago na tempu di belasting di tur kontribuyente pa loke ta trata nan kontribushon segun e Lei di OnroerendZaakBelasting. 

Ku e kambio di Lei di OnroerendZaakBelasting, aprobá dor di Parlamento di Kòrsou ta introdusí entre otro entrante 1 sèptèmber 2019: (1) un deber di hasi un deklarashon (“aangifte”) pa tur kontribuyentenan ku tin un propiedat aki na Kòrsou, pa asina kumpli ku e Lei di  OnroerendZaakBelasting i (2) kontribuyentenan ku tin un propiedat i ku nunka no a haña un aanslag di OnroerendZaakBelasting, mester hasi un deklarashonnan di nan propiedat pa loke ta trata e último 5 añanan. Kontribuyentenan ku no hasi deklarashon a base di e Lei di OnroerendZaakBelasting lo risibí un aanslag i un but di Inspekshon di Belasting. 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: