‘Update MDT Boneiru: e promé proyektonan ta online!’

 

2 mart 2023
E promé proyektonan ta online…
inkribí numa!

Bon notisia: e wèpsait di MDT Boneiru ta live. For di awor bo por haña tur sorto di informashon tokante MDT Boneiru – pa hóben í organisashon.

Pero lo mas importante … hóbennan por inskribí pa proyekto! E promé kuater proyektonan ta online kaba. Esakinan ta riba tereno di deporte, naturalesa, medio ambiente, kultura i kreashon. Ta un aña piloto, p’esei no tin asina tantu proyekto ainda manera eventualmente nos ke. Pero tene medionan sosial na bista, pasobra ta bini mas proyekto i nan tur ta tremendo. Pues inskribí!

Inskripshon por mesora via: http://www.mdt-bonaire.com

Konta tur hende tokante MDT BoneiruBo ta muchu yòn, muchu bieu òf pa un òf otro motibu bo no por partisipá? Konta e ora ei otro hóben tokante MDT Boneiru. Duna otro e oportunidat di bo bida! Un proyekto ta yen? No drenta pániko. Ta bini otro oportunidat. Pasobra MDT Boneiru a bini pa keda.

 

Hóbennan mes ta disidí
MDT ta di hóben, pa hóben. P’esei MDT Boneiru tin un pènel di hóben: un grupo di hóben ku ta duna MDT Boneiru konseho. Pues hóbennan realmente tin un bos! Ta bai tòg tokante nan propio futuro. N’ ta asina? Ken sa, por ta ta nan ta e hóbennan ku ta bai dirigí MDT den futuro.
Promé e hóbennan akí a sigui vários entrenamentu i studia kon MDT ta funshoná na Hulanda. Kon MDT a kuminsá i kon e programa a desaroyá? Asina nan a siña tokante e proseso pa yega na un programa. Despues e hóbennan por a bisa kon nan lo a hasi esei na Boneiru. Kua proyekto ta interesante pa hóben? Ki ora un programa ta atraktivo?

 

MDT Boneiru den algun palabra
Ku MDT Boneiru, hóbennan por desaroyá nan talentonan i siña konosé nan mes. Asina nan sa mihó kiko nan ke den bida. Esei ta e meta. Profeshonal ta guia nan riba e kaminda akí. Komo hóben bo por inskribí pa diferente motibu. Por ehèmpel pasobra bo no sa kiko bo ke den bida, òf pasobra bo ke haña guia pa desaroyá bo talentonan. Podisé bo ke haña mas eksperensia promé ku bo tuma desishon importante den bo bida. Òf bo ke hasi trabou signifikativo un tempu, òf wak kua oportunidat nobo e proyekto ta brinda. Pero MDT Boneiru ta un bon idea tambe ora djis bo ke pasa un ratu dushi i signifikativo.