MAN-PIN indigná! Penshonado i empleado di Ennia ketu bai den inseguridat.

MAN-PIN indigná!

Penshonado i empleado di Ennia ketu bai den inseguridat.

 

MAN i PIN ta sumamente indigná ku un biaha mas Gobièrnu ta laga penshonadonan di Ennia keda den inseguridat, si ta korta den nan penhun, kuantu e porsentahe ta, i tambe empleadonan insigur di nan trabou i pan.

 

Despues ku Minister President a reuní ku Parlamento riba e peliger ku penshun di 25.000 asegurado di Ennia ta kore i e impakto desastroso di esaki riba nos pais, Minister President a primintí di bin Parlamento bèk pa duna bista riba e eskoho ku su Gobièrnu a hasi pa sera Ennia.

 

Parlamento a pidi Gobièrnu pa duna un bista di e diferente scenarionan i kalkulashonnan posibel, esta manera nos a bisa, pa tene Ennia habrí versus su desishon pa sera Ennia. MAN i PIN no ta di akuerdo pa sera Ennia i manda hende kas!

 

Ta inkreibel kon enfrente di un problema serio asinaki, ku ta un drama personal pa 25.000 famia, atrobe Gobiérnu ta skohe pa no bin Parlamento i den pitu ta kanselá e reunion.