Kaso di tiramentu morto.

KOMUNIKADO DI PRENSA
346/ 2019
2 sèptèmber 2019.
Kaso di tiramentu morto.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djaluna 2 di sèptèmber 2019, alrededor di 10.01’or, Sentral di Polis a risibí yamada di un
kaso di tiramentu ku a tuma lugá dilanti di un establesimentu riba Caracasbaaiweg.
E promé unidat polisial ku a yega na e sitio, a bin topa un hòmber sintá den un outo ku
algun herida di bala na parti ariba di su kurpa i no tabata duna señal di bida.
A pidi presensia di ambulans, pero na nan yegada, e personal aki no por a hasi nada mas pa
e víktima.
For di investigashon preliminar a sali na kla, ku probablemente dos hòmber lo a yega na e
sitio i a kuminsá lòs tirunan dirigí riba e hòmber ku tabata sintá na e banda di pasahero.
E outo den kua e víktima tabata, tabatin vários perforashon di bala.
Despues di nan akto, e sospechosonan a bandoná e sitio, te asina leu ku tabata visibel, na
pia.
Dòkter di polis ku a yega na e sitio a konstatá morto di e hòmber Genciël Recbel Joshua
Feller, nase Hulanda 3 di novèmber 1995.
Riba òrdu di fiskal di Ministerio Públiko a konfiská e kurpa sin bida i e outo pa mas
investigashon.
Investigashon den e kaso aki ta kontinuá.
Un súplika ta bai na tur siudadano ku tin informashon tokante di loke a tuma lugá
relashoná ku e kaso aki, pa tuma kontakto ku polis na 917 òf e liña anónimo 108.

 

This site uses Akismet to reduce spam. Learn how your comment data is processed.

%d bloggers like this: