MANIFESTASHON UNION TA HASI FORSA!

MANIFESTASHON UNION TA HASI FORSA!
WILLEMSTAD: Palu Djó i Hustisia Sosial Kòrsou ta sumamente kontentu ku e asistensia na e manifestashon TA BASTA
AWOR! Spesialmente loke nan a bin dilanti durante di e Manifestiashon. Algu ku a hala hopi atenshon ta loke
kompañero Rudsel Djó Marchena a trese dilanti, ku den nos demokrasia, muchu poko ta tene kuenta ku e minoria. Tur Demokrasia ta konsistí di un Mayoria i un Minoria, i no ta pasobra e mayoria ta dicidi ta nifiká ku NO mester tene kuenta ku e Minoria! Hecho ta tambe ku den tur Demokrasia na dado momentu e Minoria di awe, mañan por ta e Mayoria! konsekuentemente ta kumbiní tur dos banda pa tene kuenta ku otro i respetá otro! Hopi di nos kizas no a realisa, pero mientras tantu e Minoria na inisio di e aktual gobernashon, a kambia bira MAYORIA! Sinembargio falta ainda pa bin un UNION den e mayoria di awe. For di aki mi ke hasi un apelashon na tur organisashonan ku ta sali na defensa di Pueblo,pa nos ban UNI i forma un Moketa! HUSTISIA SOSIAL KORSOU DEN UNION ku tur gruponan Sosial, Polítiko, Sindikal, Penshonadonan i di Preshon ta invitá tur hende ku ta stima nos Pais i nos hendenan, pa un manifestashon “UNION TA HASI FORSA”,Diadumingu 8 di sèptèmber 5’or di atardi dilanti Fort Amsterdam den Punda. Na momentu ku nos logra e unión ku ta nesesario den tur lucha, nos lo realisá ku ta TA NOS TA MAYORIA AWOR!