MEDIDANAN KONTRA PUEBLO TA DEVASTADOR PREISNAN TA BAI SUBI KU KASI 20%

MEDIDANAN KONTRA PUEBLO TA DEVASTADOR
PREISNAN TA BAI SUBI KU KASI 20%

HUSTISIA SOSISAL KORSOU ta sigi protestá energikamente kontra di e Medidanan ku Gobièrnu a tuma kontra di Pueblo.
Spesialmente pa loke ta trata e oumentu di OB na importashon ku lo subi di 0% pa 9%. Te ku dia 31 di augustus 2019, mayoria importadornan GRANDI no tabata paga OB na importashon, pero te ora ku nan bende e produkto ku nan importá, nan ta paga 6%.
Esaki den praktiká ta nifiká ku e importador NO tabata paga OB riba un produkto ku ta PERISIBEL, (spesialmente
komestibel, ku ta detoriá lihé i ku fecha di vensementu) ku e no por BENDE. Pero entrante 1 di sèptèmber 2019, MESTER paga 9% OB riba tur kos, inkluyendo e produktonan ku a daña i no por wòrdu bendé mas,. E FAKTOR DI RISIKO aki e importador ta bai inkalkulé den su kosto i kobra e konsumido na final. Kemèn kosto di TUR PRODUKTO ta bai subi i riba e kosto mas haltu aki, e Pueblo konsumido, mester bai paga 9% di OB! Si kosto di un produkto tabata 10,00 na importshon awor e ta bira 10,90, pero awor e komersiante of distribuidor di e produkto obligatoriamente ta bai kalkulá su risikonan (+/- 10%) i ganashi (+/- 100%) i e prèis di benta ta bira 23,98 mas 9% OB, ku ta 26.14.
Promé ku e medida aki e mesun produkto lo a kosta e konsumido 21,80. Kemèn un oumentu di kasi 20%. Ainda Hustisia Sosial Kòrsou no a analisá e impakto ekonómiko di e otro oumentunan anunsiá pa gobièrnu, kualnan tambe ta bai tin influensia riba e forsa di kompra di e trahadó, i tambe e Turista ku ta bishitá nos pais. Di e forma aki Gobièrnu ta masakrá e Pueblo (spesialmente esnan di menos rekurso) ku un medida deskabeyá ku ta bai tin komo resultadoINFLASHON ku na su turno lo kousa, menos benta, mas negoshi ta sera i mas trahadó ta pèrde trabou i probablemente tambe menos Turista! Kemèn probablemente Gobièrnu no ta bai resibi e entradanan adishonal ku nan ta spera, pero si a bolbe kita forsa di kompra di Pueblo! P’esey Hustisia Sosial Kòrsou ta sigi ku su manifestashonan kontra di e medidanan aki. PUEBLO mester rechasá e medidanan akikategorikamente! TA BASTA AWOR!

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: