Pronóstiko di tempu pa Kòrsou i bisindario bálido te djaweps mainta 06:00 o.l, 5 di sèptèmber 2019.

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l, 5 di sèptèmber 2019.
Kompilá: 
djárason 4 di sèptèmber  2019, 05:00 o.l.  (09:00 UTC).

Tempu: Spera awe mainta un shelu parsialmente nublá, kisas temporalmente un poko mas nublá ku posibilidat chiki pa un áwaseru di durashon kòrtiku. Mas lat den dia un tempu seku i bastante kalor lo sigui persistì.

Temperatura máksimo lo alkansá 34 ºC, i temperatura mínimo di 28 ºC.
Solo ta sali 06:25 i ta baha 18:45 o.l.

Bientu: Direkshon generalmente ost i moderá te basta fuerte; forsa 3 pa 5 (12 pa 39 km/ora, 7 pa 21 nudo). Ráfaga de bes en kuando fuerte prinsipalmente den dia; forsa 6 (40 pa 50 km/ora, 22 pa 27 nudo).

Situashon general: Humedat lo oumentá un poko awe mainta i okashoná momentunan ku algu mas nubia i posibilidat pa un áwaseru di durashon kòrtiku. Mas lat den dia tempu seku lo prevalese. Spera un bientu modera te basta fuerte durante sobrá di siman.

Kondishon di laman: Trankil te moderá ku altura di olanan entre 1  i 1.5 meter (2 pa 5 pia).

Sistemanan signifikante di wer tropikal: Orkan Dorian awor ta move nortwèst paralelo na kosta ost di Florida i su intensidat a baha konsiderablemente kompara ku e dianan anterior. Tormenta tropikal Fernand ta den Golfo di Mehiko moviendo den direkshon wèst  nortwèst i lo alkansa e kosta ost di Mehiko mas lat den dia. Depreshon Tropikal Ocho (8) a sigui desaroyá durante oranan di mardugá i a bira awor tormentá tropikal Gabrielle. E tormentá aki ta sigui move den direkshon nortwèst riba e parti sentral di Osean Atlántiko. Ningun di e sistemanan aki ta forma un peliger pa Kòrsou.

Fenómeno spesial: Ningun.

Perspektiva te djabièrnè mainta: Por lo general parsialmente nublá i tempu lo keda por lo general seku.

Meteorólogo: Statia

 

 

 

 

This site uses Akismet to reduce spam. Learn how your comment data is processed.

error: Content is protected !!
%d bloggers like this: