Pronóstiko di tempu pa Kòrsou i bisindario bálido te djamars mainta 06:00 o.l, 10 di sèptèmber 2019.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l, 10 di sèptèmber 2019.
Kompilá: djaluna 9 di sèptèmber 2019, 05:00 o.l.  (09:00 UTC).

Tempu: Spera awe un shelu por lo general levemente nublá i wer lo keda seku. Temperatura i humedat haltu lo soru pa un sensashon di bastante kalor durante oranan di dia.

Temperatura máksimo lo alkansá 35 ºC, i temperatura mínimo di 29 ºC.
Solo ta sali 06:25 i ta baha 18:41 o.l.

Bientu: Direkshon entre ost i sùitost i moderá; forsa 3 pa 4 (12 pa 30 km/ora, 7 pa 16 nudo). Ráfaga de bes en kuando basta fuerte; forsa 5 (31 pa 39 km/ora, 17 pa 21 nudo).

Situashon general: Durante proksimo 24 ora no ta antisipá muchu kambio den e tempu aktual pa nos region. P’esey sekurá i un grado di kalor basta haltu lo keda afektá nos isla. De bes en kuando ora e forsa di bientu oumentá esaki por alivia e kalor un poko. Sinembargo esaki lo ta mas probabel durante oranan di anochi i mardugá.

Kondishon di laman: Trankil te moderá ku altura di olanan entre 1 pa 1.5 meter (3 pa 5 pia).

Sistemanan signifikante di wer tropikal: Tormenta Tropikal Gabrielle ta sigui move den un direkshon mas nort riba e parti sentral di Osean Atlántiko. Tin dos otro disturbio tropikal riba Atlántiko Nort ku ta mustra sufisiente potensial, pa desaroyá den siklon durante e próksimo dianan. Ningun di e sistemanan aki ta un peliger pa Kòrsou.

Fenómeno spesial: Ningun.

Perspektiva te djárason mainta: Shelu lo ta leve te parsialmente nublá i un wer seku lo persistí.

Meteorólogo: Statia