Situashon general di tempu pa e siman aki.

Situashon general di tempu pa e siman aki.

Disturbio #1 ta situá awe mainta nortost di Hispaniola ta move den un direkshon west nortwèst i tin 20% chèns pa por desaroyá den un siklon tropikal durante e próksimo 5 dianan.

Disturbio #2 ta situá riba osean atlántiko i ta move den un west. E sistema aki tin aktualmente 30% chèns pa por sigui desaroyá den un siklon tropikal durante e próksimo 5 dianan. Kondishon nan atmosfériko no ta mustra favorabel pa desaroyo di e sistema aki, miéntras ku e ta move den direkshon di laman Karibe.

Tormenta tropikal Gabrielle tabata situá awe mainta riba e parti nort di osean atlántiko i ta sigui move den un direkshon nortost. Ta antisipá ku e sistema aki lo sigui debilitá durante e próksimo dianan.

Kondishon di tempu pa lokual ta trata islanan ABC, un wer generalmente seku lo prevalesé durante e próksimo dianan ku temperatura un poko mas altu ku normal.

Durante e wikènt benidero e chèns pa algu di áwaseru lo por oumentá un poko,

Kòrda sigui tur nos pronóstikonan di dia pa asina bo keda debidamente informá.