Ora baka hoga na pos nos ke lamentá Stadion di SDK den situashon deplorabel Eksperto nan mester aktua awó !

Ora baka hoga na pos nos ke lamentá

Stadion di SDK den situashon deplorabel Eksperto nan mester aktua awó !

 

Den e dianan tras di lomba selekshon di futbòl Kòrsou grandi manera semper a representá nos dignamente. Na kabesdi e lista di grupo D ku 4 punto. Den deporte semper yu di Kòrsou a sa di destaká. Pero tristu ta ku no tin hopi fasilidat deportivo profeshonal na Kòrsou. Esun ku último tempu ta wòrdu usa asta pa hermana isla nan Bonaire i Aruba pa wega nan Internashonal ta SDK.

Federashon di Futbòl di Kòrsou FFK ta pidi pa nos ta 12 i asina sostené nos ekipo nashonal den un stadion ku no ta adekuá pa karga hopi hende na algun parti. E situashon bou di dak den stadion ta hopi deplorabel ku un ora pa otro esaki lo por kai den otro.

Lo mi hasi orashon i pidi pa dia esaki sosodé no ta ora ku tin hende aki den.

Federashon di futbòl Kòrsou FFK ta hür e stadion serka FFDK. Mi no ta kulpa FFK niun ratu so p’esaki !

Lógika ku FFK na su turno pa kubri gastu entre otro ta pidi pueblo pa ta presente i sostené nos selekshon.

Na ken awor pa hasi trámite nan pa drecha e stadion aki ?

Un stadion ku tin hopi aña i ku awor mester di un face lift pa loke ta trata tribuna.

Algun tempu pasa e drecha e vèlt despues ku tabata tin un aktividat kaminda a hasi daño na esaki.

A drecha e parti di lus nan tambe algun tempu pasa. Awor ta bini e parti di tribuna.

FFDK mester hasi algu lihé. Fundashon Fasilidatnan Deportivo Kòrsou mester asumí su responsabilidat.

 

Si no tin sèn mester aserka Gobièrnu pa nan tuma nan responsabilidat i drecha e tribuna promé ku un aksidente ku por resultá fatal sosodé.

 

Miéntras tantu a hasi kos di iresponsabel i pone drang hek na e tribuna nan Putri den e stadion aki.

Esaki ta evitá ku hende lo sinta te ariba den e tribuna pero no a tene kuenta ku si yena e parti aki, e tribuna lo no por bai karga e peso di tur hende pa hopi ratu.

 

Aki nan e eksperto nan di gobièrnu manera inspekshon di salubridat i instansia nan konserni mester bai wak i sera e aria aki. No laga pa ta lat.

 

Mester hasi algu !!

 

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: