Djabièrnè 13 di sèptèmber den kuadro di e ehersisio internashonal ‘Caribbean Coast Exercise’.

Djabièrnè 13 di sèptèmber den kuadro di e ehersisio internashonal ‘Caribbean Coast Exercise’. Ku a ser organisá dor di United Nations Office for the Coordination of Humanitarian Affairs (OCHA) i e departamento di desaster di ‘European Union. Rampenbeheersingsorganisatie (RBo) di Kòrsou a hasi un ehersisio ‘table top’.

Den e senario di dia 13 di sèptèmber último a simulá ku Kòrsou a ser asotá dor di un orkan kategoria 5. Riba enkargo di Minister di Asuntunan General ku tambe tabata presente durante e ehersisio a aktivá RBo i Emergency Operation Center pa asina kordiná e efektonan ku e desaster aki tabatin na Kòrsou. Durante e senario a pasa den e prosesonan di kon pa dil ku inundashon, situashon di víktimanan, evakuashon, aktivashon di shèlter, ret di awa, telefòn i koriente ku ta kai afó pero tambe ku e elemento di ‘fake news’
Bou di kordinashon di ‘Opperbevelhebber’ i Lider Operashonal den kalamidat (komandante di brantwer) e diferente ‘Emergency Support Functions’ (ESF’s) i Liaisons (Meteo i Krus Kòra) a pasa den e proseduranan konserní pa mitigá e efektonan di ‘orkan’.

Pa e ehersisio ‘table top’ alabes a aktivá un ‘Local Emergency Management Authority’ (L.E.M.A.) e ‘body’ aki mester a dil ku organisashonnan di afó di ‘United Nations’ i ‘European Union’ ku a bin pa brinda yudansa na poblashon di Kòrsou despues di a ser asotá pa e orkan.