Sistemanan signifikante di wer tropikal: Orkan Humberto ta situá mas o menos 455km wèst di Bermuda riba oséano Atlántiko

Sistemanan signifikante di wer tropikal: Orkan Humberto ta situá mas o menos 455km wèst di Bermuda riba oséano Atlántiko i ta move poko poko den direkshon ost nortost, alehando su mes for di e kosta ost di Estádos Unídos. Mas aleu, depreshon tropikal Dies a sigui desaroyá i bira Tormenta Tropikal Jerry i ta move wèst nortwèst riba oséano Atlántiko. Imelda a debilita na momentu ku ela subi riba tera i bira un depreshon tropikal moviendo riba e kosta di Texas. Ningun di e sistema nan tropikal aki, ta forma un menasá direkto pa Kòrsou. No opstante esaki, Servisio Meteorológiko Kòrsou ta sigui vigilá desaroyo di e disturbio nan aki.