Pronóstiko di tempu pa Kòrsou i bisindario bálido te djaweps mainta 06:00 o.l, 19 di sèptèmber 2019.

Pronóstiko

Pronóstiko di tempu pa Kòrsou i bisindario bálido te djaweps mainta 06:00 o.l, 19 di sèptèmber 2019.
Kompilá: 
djárason 18 di sèptèmber 2019, 05:00 o.l.  (09:00 UTC).

Tempu: Parsialmente te hopi nublá ku chèns pa un áwaseru lokal

Temperatura máksimo lo alkansá 32 ºC, i temperatura mínimo di 27 ºC.
Solo ta sali 06:25 i ta baha 18:35 o.l.

Bientu: Generalmente ost i suak te moderá; forsa 2 pa 3 (7 pa 19 km/ora, 4 pa 10 nudo).

Situashon general: Durante di próksimo 24 ora, e ola tropikal situa den nos region ta move wèst i ta alehá poko poko for di nos área. Esaki lo trese momentunan di mas nubia kual por kousa un òf mas áwaseru lokal riba nos isla den transkurso di próksimo dianan. Mas aleu, fluho di bientu lo keda suak durante di próksimo dianan i komo resultado lo halsa e sensashon di kalor. Den transkurso di dia lo emití un prekoushon pa kalor.

Kondishon di laman: Trankil ku altura di ola entre 0.5 pa 1 meter (2 pa 3 pia).

Sistemanan signifikante di wer tropikal: Orkan Humberto ta situá mas o menos 455km wèst di Bermuda riba oséano Atlántiko i ta move poko poko den direkshon ost nortost, alehando su mes for di e kosta ost di Estádos Unídos. Mas aleu, depreshon tropikal Dies ta moviendo wèst nortwèst riba oséano Atlántiko sentral i tin potensial pa desaroyá den tormenta tropikal Jerry den e próksimo dianan. Tormenta tropikal Imelda, a forma den golfo di Mexico ayera i ta move riba e kosta di Texas. Ningun di e sistema nan tropikal aki, ta forma un menasá direkto pa Kòrsou. No opstante esaki, Servisio Meteorológiko Kòrsou ta sigui vigilá desaroyo di e disturbio nan aki.

Fenómeno spesial: Ningun.

Perspektiva te djabièrnè mainta: Parsialmente te hopi nublá ku algun áwaseru lokal. No ta ekskluí posibilidat di welek ku bos.

Meteorólogo: Rombley.

 

 

 

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: