KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

KTK KU KONTRATO NA SÜRNAM

KTK KU KONTRATO NA SÜRNAM

 

Willemstad, 17 Sèptèmber 2019 – Djamars último toubot ‘Tribon’ di Kompania di Tou Kòrsou a sali pa Sürnam pa un proyekto di tres luna unda e barku i personal di KTK lo asistí ku trabounan di tou i posishonamentu di plataformanan di eksplorashon di petrolio.      

Den e último lunanan gerensia di KTK i personal a sigui enfoká riba proyektonan den eksterior pa por sobrebibí e krísis ku a presentá na momentu ku e tráfiko marítimo na Refineria i Bullenbaai a keda suspendé. 

Den e luna di òktober KTK ta spera di por manda un toubot mas pa Sürnam.  E kompania lokal EMAR Offshore Services NV a fasilitá e kontakto entre KTK  i e kliente enkargá ku e plataformanan na Sürnam. 

Huntu ku kapitan Giovanni Maccow, a bai Sürnam Micheal Bishop (stürman), Simayron Zimmerman (promé makinista), Andre Howell (di dos makinista), Delvrighi Statia i Hubert Cristina (matros).

639114718427035"
639114718427035"