Ta pone drèmpel riba e kaminda pa bai Klein Hofje

Ta pone drèmpel riba e kaminda pa bai Klein Hofje

Geplaatst op 18 Sèptèmber 2019 dor di Ministerio di Tráfiko, Transporte i Planifikashon Urbano

Ta pone drèmpel riba e kaminda pa bai Klein Hofje

Willemstad – Pa alsa seguridat di tráfiko riba e kaminda pa bai Klein Hofje, Servisio pa Obra Públiko (OW) ta laga pone drèmpelnan di asfalt. Meta di e drèmpelnan aki ta pa baha velosidat di outomobilistanan na momentu ku nan ta kore riba e kaya aki.

Den e área, riba e kaminda sin nòmber entre Klein Hofje pa Blue Bay/ Piskadera, tin vèlt di deporte kaminda adulto i mucha chikitu ta trafiká.  Den e área aki outomobilistanan ta kore ku velosidat haltu, pa e motibunan aki ta laga pone drèmpelnan di asfalt. Ta pidi tur outomobilista pa kore ku koutela riba e kaminda aki.

Trabounan ta kuminsá djaweps awor 19 di sèptèmber 2019, ta tuma sinku dia di trabou, i ta na enkargo di e kontratista MNO Vervat. E trabounan lo no stroba e tráfiko riba e kaminda sin nòmber entre Klein Hofje pa Blue Bay/ Piskadera. Ta sòru pa habitantenan i komersiantenan keda ku akseso na nan kas òf negoshi. OW ta pidi tur outomobilista pa sigui e indikashonnan i kore ku koutela.

OW ta gradesí komunidat adelantá pa e pasenshi i koperashon. Por bishita e website www.vvrp.cw/proyekto pa tur informashon i desaroyo di proyektonan di OW.

 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: