Pronóstiko di tempu pa Kòrsou i bisindario bálido te djadumingu mainta 06:00 o.l, 22 di sèptèmber 2019.

Pronóstiko

Pronóstiko di tempu pa Kòrsou i bisindario bálido te djadumingu mainta 06:00 o.l, 22 di sèptèmber 2019.
Kompilá: djasabra 21 di sèptèmber 2019, 05:00 o.l.  (09:00 UTC).

Tempu: Leve te parsialmente nubla i kualke áwaseru ku kai lo ta breve i lokal.

Temperatura máksimo lo alkansá 33ºC, i temperatura mínimo di 27 ºC.
Solo ta sali 06:25 i ta baha 18:33 o.l.

Bientu: For di un direkshon generalmente ost i por lo general suak; forsa 2 pa 3 (7 pa 19 km/ora, 4 pa 10 nudo).

Situashon general: E ola tropikal asosiá ku un área di preshon abou a alehá su mes for di nos region i komo resultado lo normalisá nos kondishon di tempu. Mas aleu, e régimen di bientu lo oumentá un poko durante e próksimo dianan den nos área, di manera ku e lo trese un poko alivio pa e kalor durante di dia.

Kondishon di laman: Ketu te trankil ku altura di ola serka di 0.5 meter (2 pia).

Sistemanan signifikante di wer tropikal: Orkan Jerry a debilitá i ta ser konsiderá un bes mas un tormenta tropikal. E sistema aki ta move wèst nortwèst riba Atlántiko i a pasa awe mardugá nort di Sint Maarten. Un otro disturbio djis ost di Karibe tin potensial moderá pa bira un depreshon tropikal den e próksimo sinku dia. Ningun di e sistema nan tropikal na e momento aki ta forma un menasá direkto pa Kòrsou.

Fenómeno spesial: Ningun.

Perspektiva te djaluna mainta: Parsialmente nubla i generalmente seku.

Meteorólogo: Correa.