Ministerio di Desaroyo Ekonómiko(MEO) huntu ku Kámara di Komersio i Ofisina di Turismo di Kòrsou, den nan afan pa mobilisá mas komersio entre Kòrsou i Colombia ta organisá un mishon komersial virtual pa partisipá na e di 20 edishon di EXPO Guajira 2021 ku lo tuma lugá 19 di novèmber 2021 próksimo na Riohacha, La Guajira Colombia.

Ministerio di Desaroyo Ekonómiko

Apresiabel Empresario,
Ministerio di Desaroyo Ekonómiko(MEO) huntu ku Kámara di Komersio i Ofisina di Turismo di Kòrsou, den nan afan pa mobilisá mas komersio entre Kòrsou i Colombia ta organisá un mishon komersial virtual pa partisipá na e di 20 edishon di EXPO Guajira 2021 ku lo tuma lugá 19 di novèmber 2021 próksimo na Riohacha, La Guajira Colombia.
Durante di e último añanan MEO a bin ta traha duru pa establesé kontaktonan ekonómiko duradero i sólido ku paisnan den region i mas ku klaro ta traha duru pa por mantené i reforsá e lasonan aki kontinuamente. Aktualmente tin un Memorandum di Entendimentu entre Kòrsou i Colombia ku e fin pa intrekambiá informashon i stimulá komèrsio (importashon i eskportashon) entre e dos paisnan. MEO i partnernan ta buskando konstantemente oportunidatnan pa nos empresarionan por eskpande nan merkado dor di partisipá na Ferianan Komersial manera EXPO Guajira 2021.
EXPO Guajira ta un plataforma kreá i guiá pa Kámara di Komersio di La Guajira for di aña 2000. E evento aki ta keda organisá anualmente na Riohacha. Meta prinsipal di e feria aki ta pa hasi visibel e potensial di e teritorio via di empresarionan inovador. Durante di e evento aki por spera un total di mas di 120 empresario di diferente sektor ekonómiko, kaminda ku nan lo bai promové nan produkto- i servisionan. E enfoke durante di e mishon komersial virtual pa Colombia lo ta riba empresanan den sektor nan manera: Turismo, Agrikultura, Produkshon i Komersio
Pa partisipá por registrá pa e sektor deseá te ku djabièrnè 1 di òktober próksimo. Por registrá via e linknan:
Turismo: https://es.surveymonkey.com/r/turismo-curazao
Agrikultura: https://es.surveymonkey.com/r/compradores-agro
Komersio i produkshon: https://es.surveymonkey.com/r/comercio-curazao
Pa mas informashon tokante e mishon aki por tuma kontakto ku representantenan di MEO (Sektor di Kooperashon Ekonómiko ku Eksterior): Sra. Nzinga Waandels via nzinga.waandels@gobiernu.cw òf yamando 462 1444 ekstenshon 148. Tambe por tuma kontakto ku Sr. Gersley Gijsbertha via gersley.gijsbertha@gobiernu.cw òf yamando 462 1444 ekstenshon 141.