“Gobièrnu a tene kuenta ku ‘NOW regeling’ i situashon sosial e biaha aki tambe?

Gobièrnu a tene kuenta ku ‘NOW regeling’ i situashon sosial e biaha aki tambe?

Trabou Pa Kòrsou (TPK) ta konsiente di e konsekuenshanan finansiero ku e di 3 ola di
Covid-19 ta tresé ku n’e pa nos país. E pandemia ta asotando rònt mundu, pues Kòrsou lo no
ta un eksepshon. Tambe TPK ta konsiente di e hecho ku e pandemia aki ta algu nunka bisto,
pues ta algu kompletamente nobo ku tur pais na mundu (lesa: Gobièrnu) tin di atendé ku n’é.
Den un aña di tempu Kòrsou a konosé hopi reto a konsekuensha di e pandemia. Un di nan
sigur ta e parti finansiero, kaminda hopi negoshi i famia a bin ta generá menos entrada i
situashon sosial ta sigui deteriora den bario. Hecho si ta keda ku un Gobièrnu responsabel, no
opstante e situashon ku país ta aden, mester sigui hasi lo máksimo pa yuda su hendenan.
Den kuadro di esaki TPK a nota ku despues di elekshon i awor tambe aún mas riparabel
durante ‘lockdown’, Gobièrnu (dimenshonario) no a sigui duna informashon mas tokante e
‘NOW regeling’ni tampoko e situashonnan sosial den bario.
TPK ta di opinion ku Gobièrnu mester sigui informá tur suidadano, espesialmente
empresanan ku a hasi petishon pa risibi NOW regeling.
Ideal lo ta si Kòrsou a siña di e aña tra’i lomba aki i pa sigui atende puntonan importante ku
tin influensha grandi riba nos komunidat i ekonomia.
Kiko lo sosodé e biaha aki? Empresarionan lo risibí sèn di NOW, pa asina nan por paga nan
trahadónan i/of por kubri nan gastunan operashonal? Kon ta pará ku bankonan, nan lo duna
eksonerashon na klientenan pa ku hipotek i/òf pago di fiansa? Lo tin mas pakete pa famianan
den bario?
TPK ta deseá pa Gobièrnu ta mas pro-aktivo i transparente pa lokual ta trata e tema aki.

This site uses Akismet to reduce spam. Learn how your comment data is processed.

error: Content is protected !!
%d bloggers like this: