Cpost International ta introdusí Community Mailbox (C-Box) na plenchi na Kurá di Shon Fil, Nanistraat – Otrabanda. 

Cpost International ta introdusí Community Mailbox (C-Box) na plenchi na Kurá di Shon Fil, Nanistraat – Otrabanda. 

 

Willemstad-  Cpost International N.V. ta enkargá pa brinda diferente servisio tantu nan nos merkado lokal komo internashonal. 

Un di e servisionan ku Cpost ta brinda nos pueblo ta repartishon di karta. Pa por hasi esaki na un forma mas efikás i efisiente posibel, kontinuamente Cpost ta sigui desaroyonan mundial ku e meta pa mehorá kalidat di nos servisio. 

Pa trese mas efisiensia den e servisio aki ku nos ta ofresé i tambe sigui garantisá entrega di korespondensha, ta nesesario pa nos hasi kambio den nos prosesonan. 

Un di e kambionan ku Cpost a bini kuné ta introdukshon di “Community Mailbox”         (C-Box).

Entrante 25 di sèptèmber 2019, Cpost lo entregá karta na e C-Box ku ta ubiká na e plenchi na Kurá di Shon Fil. En konekshon ku esaki, habitantenan a risibí invitashon pa haña informashon al respekto i alabes tuma yabi di nan C-Box riba dianan 25 i 26 di sèptèmber 2019 fo’i 5.30 pm te ku 7.30 pm. E servisio di Community Mailbox ta kompletamente grátis.

Pa por risibí e yabi mester bin ku un identifikashon bálido (pasport, reibeweis òf sédula) di e persona ku ta inskribí na e adrès, un resibu resien di Aqualectra i UTS, un ‘statement’ di banko, den kaso ku un di e resibunan ariba menshoná no ta disponibel pa verifikashon di e adrès. 

Den kaso ku no ta e persona ku ta biba na e adrès en kuestion ta bin tuma e yabi di e buzon, e persona mester bin ku un karta di apoderashon (machtiging) firmá dor di e persona ku ta biba na e adrès, den kual e habitante ta duna outorisashon pa otro persona tuma yabi di su C-Box.

Pa mas informashon por tuma kontakto ku Departamentu di Servisio na Kliente na telefòn 433-1342 òf por manda un e-mail na customerservice@cpostint.com.

 

This site uses Akismet to reduce spam. Learn how your comment data is processed.

%d bloggers like this: