Petishon pa reunion públiko di Parlamento ku karakter di urgensia ku e punto di agènda, Integridat di Minister di Enseñansa, Siensia, Kultura i Deporte

Petishon pa reunion públiko di Parlamento ku karakter di urgensia ku e punto di agènda, Integridat di Minister di Enseñansa, Siensia, Kultura i Deporte

 

Willemstad, 25 sèptèmber 2019

                                                                                                   

Na: Presidente di Parlamento
Señor W. Millerson
Wilhelminaplein 4
Presente

Tópiko: Petishon pa reunion públiko di Parlamento ku karakter di urgensia ku e punto di agènda, Integridat di Minister di Enseñansa, Siensia, Kultura i Deporte.

 

Señor Presidente,

 

Suskritonan, miembronan di e frakshon di MFK den Parlamento, ta aserka bo persona ku e petishon konforme artíkulo 64 insiso 4 di Reglamento di Órden ku ta bisa “De  leden worden schriftelijk tot de vergadering opgeroepen. De oproepingsbriefjes worden, spoedeisende gevallen uitgezonderd, tenminste 4 x 24 uur voor het houden van de vergadering aan de leden verstuurd. Ze vermelden zoveel mogelijk de zaken waarover de vergadering belegd is. Tegelijk met deze oproeping worden dag, uur en agenda ter openbare kennis gebracht”, pa tene un reunion públiko urgente di parlamento ku e punto di agènda ariba menshoná. 

 

Señor Presidente na aña 2012, gobièrnu di e temporada ei huntu ku Parlamento konsientemente a aseptá i publiká un lei “Landsverordening Integriteit (Kandidaat) Ministers”. Mihó konosí komo lei di “screening”, kaminda a inkorporá ku si gobièrnu òf Parlamento ke hasi o trese kambio den dje e mester di 2/3 parti di e mayoria voto nan den Parlamento pa por a hasi e kambionan. Base di e lei aki ta, ku kualkier persona den nos komunidat ku aspirá kandidatura pa bira minister mester kumpli ku tur eksigensianan ku e lei en kuestion ta preskribí.

 

Frakshon di MFK a tuma nota den kuminsamentu di e aña aki i aktualmente ku Ministernan di Gabinete Rhuggenaath a hasi nan mes kulpabel na violashon di e lei aki. Konforme dokumentashon ku nos tin den nos poder na e momentunan aki Minister Alcala-Walle tambe ta un di e ministernan ku no a kumpli ku e lei i a kometé violashonnan den su funshon komo Minister.

 

E lokual nos a relatá aki señor Presidente ta konstituí sufisiente motivashon pa konvoká un reunion públiko di Parlamento ku e punto di agènda ariba menshoná, kual reunion Parlamento lo bai fiha su posishon i nos ta konta ku e reunion públiko urgente aki lo keda tené den e tempu ku konforme Reglamento di Ordu ta preskribí. 

 

Atentamente,

 

___________             _____________  _______________  

Gilmar Pisas Charles Cooper Juniel Carolina