Emiah Real Estate B.V. ta e propietario nobo di Otrobanda Hotel & Casino Renovashon di Otrobanda Hotel & Casino ta bai kuminsá. 

Emiah Real Estate B.V. ta e propietario nobo di Otrobanda Hotel & Casino

Renovashon di Otrobanda Hotel & Casino ta bai kuminsá. 

 Dia 29 di ougùstùs 2019, Kòrsou a haña e gran notisia ku Otrobanda Hotel , ku tabata na findishi, ta keda den man di empresario lokal. Jachmin Pinedo huntu ku su kasa Eithel Merselina, a demostrá pa hopi aña ku nos hendenan lokal ta kapas di logronan grandi pa Kòrsou, Awor ku e fase di kompra ta kla ta pasa mesora pa e parti di renovashon di tantu e hotèl, restorant, i e casino. 

Vishon di e propietarionan nobo ta pa ekipá e hotèl ku tur fasilidat ku un hotèl di renombre ta brinda na su bishitante nan. E casino lo risibí un toke estilo Las Vegas ku hopi benefisio pa e klientela.

E restorant ku e bista maravioso riba nos haf lo brinda plato nan ekskisito.

Tur hende ta konvensí ku Otrobanda Hotel  ta situá na un di e sitionan mas bunita di nos sentro di siudat, Otrobanda. Kòrsou lo ta orguyoso ku e produkto final.

E pareha, Jachmin i Eithel den representashon di Emiah Real Estate B.V. ta yama un danki spesial na Banco di Caribe, ku a kere den empresarionan lokal pa sostené e proyekto di Otrobanda Hotèl & Casino  ku ta rekerí un gran invershon. Nan ta gradesido pa tur e reakshonnan positivo ku nan a risibí. Lo sigui tene un i tur na altura di e desaroyonan rondó di e kambio di nòmber, renovashon, i apertura di Otrobanda Hotèl . E hotèl den su estilo nobo, lo bria den kurason di nos sentro di siudat i lo ta orguyo di nos pueblo di Kòrsou i kada turista ku bishitá nos dushi pais.

Jachmin Pinedo ta finalisá bisando Kòrsou, nos por.