Sambil ku Marshe edukativo pa muchanan durante fakansi.
Sambil ku Marshe edukativo pa muchanan durante fakansi.
Di dos edishon di Sambil Kids Market
Fakansi a kuminsá i nos muchanan ta kontentu! For di djaluna 7 di òktober, e di dos edishon di e Marshe pa mucha a kuminsá. Aki e muchanan mes ta haña e oportunidat pa siña kon pa bira mini empresario. Den nan tempu liber e chikitin nan mes ta hasi nan obra di man, òf mayornan ta yuda nan traha cupcake i kos di boka dushi pa nan bin presentá esaki na nan stènt bunita asina dòrna.
E marshe aki ta sigui te ku djarason 9 di òktober di 12or di mèrdia pa 5 or di atardi na e entrada di supermerkado Carrefour den Sambil.
Pa Sambil edukashon di nos muchanan semper ta na promé lugá i no tin nada mas bunita di mira e mayornan yuda e mucha nan ku hopi dedikashon. Di e manera aki e muchanan tambe por pone den práktika loke nan ta siña na skol kual ta entre otro matemátika, kon pa papia nèchi ku otro, sa kiko kiermen tin responsabilidat i spar.
Probechá pasa bishitá nos marshe i laga e muchanan disfrutá di tur loke nos tin di ofresé durante di fakansi aki na Sambil!